الماتى قالاسىندا قازاق ۇلتتىق اگرارلىق زەرتتەۋ ۋنيۆەرسيتەتىنىڭ ۇيىمداستىرۋىمەن ولجاس سۇلەيمەنوۆتىڭ جۇلدەسىنە ارنالعان ۆولەيبولدان ارداگەرلەر كوماندالارى اراسىندا حV حالىقارالىق تۋرنير بولىپ ءوتتى، دەپ حابارلايدى اlmaty-akshamy.kz.
سپورتتىق ءىس-شاراعا قازۇازۋ باسقارما توراعاسى-رەكتور، اكادەميك تىلەكتەس ەسپولوۆ، قازاقستاننىڭ بەلگىلى مەملەكەت جانە قوعام قايراتكەرلەرى: اقىن، ديپلومات جانە ادەبيەتتانۋشى ولجاس سۇلەيمەنوۆ، گەنەرال-لەيتەنانت امانگەلدى شابداربايەۆ، اماندىق باتالوۆ، عاني قاسىموۆ، ت.ب. كورنەكتى تۇلعالار قاتىسىپ، تۋرنيرگە قاتىسۋشىلارعا لەبىزدەرىن ءبىلدىردى.
«ول - الەمگە تانىلعان ارقالى اقىن عانا ەمەس، حالىقارالىق دارەجەدەگى بەلگىلى مەملەكەت جانە قوعام قايراتكەرى، قازاقستاننىڭ ەڭبەك ەرى، كوپ جىلدار بويى قازاقستاننىڭ يۋنەسكو-داعى تۇراقتى وكىلى بولىپ قىزمەت اتقارعان ىزگى جۇرەكتى ازامات. سونىمەن قاتار، ۆولەيبول سپورتىنىڭ شىن بەرىلگەن جانكۇيەرى، ءوزى دە تالاي جىلدار بويى ۋنيۆەرسيتەتىمىزدەگى تۋرنيرلەردە ونەر كورسەتىپ كەلەدى. ۋنيۆەرسيتەتتە 2004 جىلدان باستاپ زياتكەرلىك، جوعارى مادەنيەتتى جانە كوپتىلدى تۇلعانى قالىپتاستىرۋعا باعىتتالعان «ولجاس سۇلەيمەنوۆ اتىنداعى الەۋمەتتىك-گۋمانيتارلىق ءبىلىم جانە تاربيە ينستيتۋتى» جۇمىس ىستەيدى. ولجاس ومار ۇلىنىڭ ءوزى دە اتالعان ورتالىقتا ستۋدەنتتەرمەن ءجيى كەزدەسىپ، اق باتاسىن بەرىپ ءجۇر»، – دەدى رەكتور ت.ەسپولوۆ.
جوعارى وقۋ ورنىندا ءبىلىم الۋشىلاردىڭ سپورتتىق قىرىنان دامۋىنا تۇراقتى تۇردە ەرەكشە كوڭىل بولىنەتىنىن اتاي كەتكەن ءجون. ستۋدەنتتەر اراسىندا دا، سونداي-اق ۋنيۆەرسيتەتتىڭ پروفەسسورلىق-وقىتۋشىلىق قۇرامى اراسىندا دا سالاۋاتتى ءومىر سالتىن قالىپتاستىرۋعا باعىتتالعان سپورتتىق ءىس-شارالار جۇيەلى تۇردە جۇرگىزىلىپ كەلەدى.
مىسالى، پروفەسسور-وقىتۋشىلار قۇرامى مەن ۋنيۆەرسيتەت قىزمەتكەرلەرى اراسىندا سپورتتىڭ 8 تۇرىنەن «دەنساۋلىق» سپارتاكياداسى؛ ۋنيۆەرسيتەت ستۋدەنتتەرى اراسىندا سپورتتىڭ 15 تۇرىنەن ءداستۇرلى فاكۋلتەتارالىق سپارتاكيادا؛ فۋتبولدان ت.سەگىزبايەۆتىڭ، ۆولەيبولدان و.سۇلەيمەنوۆتىڭ جۇلدەسىنە جانە و.جارىلعاپوۆتى ەسكە الۋعا ارنالعان تۋرنيرلەر ءداستۇرلى تۇردە وتەدى. سونداي-اق، جوو-دا سپورتتىڭ 16 ءتۇرى بويىنشا سپورتتىق سەكسيالارى بار سپورتتىق كلۋب جۇمىس ىستەيدى. سونىڭ ىشىندە ۆولەيبول، فۋتبول، بوكس، ەركىن كۇرەس، سامبو، دزيۋدو، تاەكۆوندو، توعىزقۇمالاق، شاحمات، اتلەتيكالىق گيمناستيكا سەكسيالارىنىڭ قاتىسۋشىلارى رەسپۋبليكالىق جانە حالىقارالىق جارىستاردا جوعارى ناتيجەلەر كورسەتۋدە.
– اتاپ ايتقاندا، 2021 جىلدىڭ 4-5 قاراشاسىندا سانكت-پەتەربۋرگ قالاسىندا وتكەن ارداگەرلەر كوماندالارى اراسىندا «ATLETTA VOLLEY CUP» حالىقارالىق ۆولەيبول تۋرنيرىندە ءبىزدىڭ كوماندا 1ء-شى ورىنعا يە بولدى! قازۇازۋ كومانداسى ماسكەۋدەن كەلگەن «لۋچ» جانە سانكت-پەتەربۋرگتەن كەلگەن «سولتۇستىك پالميرا» سياقتى ەڭ مىقتى كوماندالاردى جەڭدى. كسرو-نىڭ ەڭبەك سىڭىرگەن جاتتىقتىرۋشىسى ا.ۆ.كيلچيەۆسكييدى (ماسكەۋ) ەسكە الۋعا ارنالعان XXXII ءداستۇرلى حالىقارالىق ءتۋرنيردىڭ جانە «SPB Volley Master 2021» (سانكت-پەتەربۋرگ) ءتۋرنيرىنىڭ چەمپيوندارى اتاندى. تمد ەلدەرىنىڭ بىردە-بىر ارداگەرلەر كومانداسى مۇنداي جەتىستىككە قول جەتكىزە الماعانىن اتاي كەتكەن ارتىق بولماس، – دەدى ت.ەسپولوۆ.
جوعارىدا اتالعان سپورتتىق ناتيجەلەر قازۇازۋ تەك ءبىلىم مەن عىلىم سالاسىندا عانا ەمەس، سپورتتا دا كوشباسشى ەكەنىن تاعى دا دالەلدەيدى. وقۋ ورنى رەسپۋبليكاداعى ارداگەرلەر ۆولەيبولىنىڭ بىرەگەي بازاسىنا اينالدى جانە بۇقارالىق سپورتتى دامىتۋعا ۇلكەن ۇلەس قوستى.
ارداگەر كوماندالار اراسىنداعى XV حالىقارالىق ۆولەيبول تۋرنيرىنە تاڭداۋلى دەگەن 10 كوماندا قاتىستى. جانكۇيەرلەرىنە قىزىقتى ويىن مەن شۋاقتى كوڭىل كۇي سىيلاعان ۆولەيبول مەرەكەسىندە ارداگەر سپروتشىلار وزدەرىنىڭ بار شەبەرلىكتەرىن كورسەتتى.
ناتيجەسىندە ءتورت كوماندا جارتىلاي فينالعا شىقتى: «اتامەكەن-AGRO» (نۇرسۇلتان قالاسى، كوماندا كاپيتانى ەرلان تاسىروۆ)، «تاشكەنت» (وزبەكستان، كاريمجان راحيمكۋلوۆ)، «قازۇازۋ» (الماتى قالاسى، تىلەكتەس ەسپولوۆ)، «جەتىسۋ» (الماتى وبلىسى، داۋلەت يماندوسوۆ).
ال فينالدا ب ا ق سىناسقان «اتامەكەنAGRO» مەن «قازۇازۋ» كوماندالارى اراسىن داعى دودادا باس جۇلدەنى اگروۋنيۆەرسيتەتتىڭ ارداگەرلەرى قانجىعاسىنا بايلادى. ال جۇلدەلى ءۇشىنشى ورىنعا تالاسقان «جەتىسۋ» مەن «تاشكەنت» كوماندالارىنىڭ اراسىندا كورشى ەلدىڭ قوناقتارىنىڭ باعى جاندى. ارداگەرلەر كوماندالارى اراسىنداعى حV حالىقارالىق ءتۋرنيردىڭ جەڭىمپازدارىن اقىن ولجاس سۇلەيمەنوۆ قۇتتىقتاپ، جۇلدەلەرىن تابىستادى.