انتيكور سپورتتىق اتاقتاردى نەگىزسىز بەرۋ دەرەگى بويىنشا قىلمىستىق ءىس قوزعادى، دەپ حابارلايدى almaty-akshamy.kz سىبايلاس جەمقورلىققا قارسى ءىس-قيمىل اگەنتتىگىنە سىلتەمە جاساپ
الەۋمەتتىك جەلىلەردى مونيتورينگتەۋ بارىسىندا قازاقستاندىق ارالاس جەكپە-جەك سپورتشىسى ا. ءاشىموۆتىڭ سپورتقا قاتىسى جوق ادامدارعا «ق ر ەڭبەك سىڭىرگەن جاتتىقتىرۋشىسى» جانە «ق ر حالىقارالىق دارەجەدەگى سپورت شەبەرى» سپورتتىق اتاقتارىن نەگىزسىز بەرۋ تۋرالى ۆيدەوسى زەردەلەندى. انتيكور بۇل دەرەك بويىنشا سوتقا دەيىنگى تەرگەۋدى باستادى.
اگەنتتىكتىڭ ۇسىنىسى بويىنشا سپورتقا قاتىسى جوق ادامدار اتاعىنان ايىرىلدى.
جەمقورلىق تاۋەكەلدەرىن سىرتقى تالداۋ قورىتىندىسى بويىنشا اگەنتتىك تۋريزم جانە سپورت مينيسترلىگىنىڭ اتىنا جەمقورلىق تاۋەكەلدەرىن جويۋ بويىنشا ۇسىنىستار ەنگىزدى.
تەرگەۋ جالعاسىپ جاتىر.
قىلمىستىق-پروسەستىك كودەكستىڭ 201-بابىنا سايكەس، وزگە اقپارات جاريالانبايدى.