بۇعان دەيىن كۇدىكتىنى قاماۋ مەرزىمى ەكى ايعا ۇزارتىلعان بولاتىن
الماتى قالالىق ءماسليحاتىنىڭ دەپۋتاتى قايرات قۇدايبەرگەندى قاماۋ مەرزىمى تاعى ءبىر ايعا ۇزارتىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇل تۋرالى الماتى قالالىق سوتىنىڭ باسپا ءسوز قىزمەتى ءمالىم ەتتى.
«17 ماۋسىم كۇنى الماتى قالالىق تەرگەۋ سوتىنىڭ قاۋلىسىمەن كۇدىكتىنى قاماۋدا ۇستاۋ مەرزىمى 3 ايعا دەيىن ۇزارتىلدى. قاماۋ مەرزىمى - 2022 جىلدىڭ 21 شىلدەسىنە دەيىن. قاۋلى زاڭدى كۇشىنە ەنگەن جوق «،- دەپ حابارلادى الماتى سوتىنىڭ باسپا ءسوز قىزمەتى.
بۇعان دەيىن كۇدىكتىنى قاماۋ مەرزىمى ەكى ايعا ۇزارتىلعان بولاتىن.
«بۇگىن الماتى قالالىق سوتىنىڭ قىلمىستىق ىستەر جونىندەگى سوت القاسى قاماۋعا الۋ سانكسياسىن كۇشىندە قالدىردى، ادۆوكاتتاردىڭ جەكە شاعىمدارى قاناعاتتاندىرىلمادى. بۇعان دەيىن تەرگەۋ سوتى ىس-ارەكەتتى سارالاۋ تۋرالى شەشىم قابىلدانعانعا دەيىن 30 تاۋلىككە قاماۋعا الۋ تۇرىندەگى بۇلتارتپاۋ شاراسىن قولدانۋعا سانكسيا بەرگەن بولاتىن»، - دەپ حابارلادى قالالىق سوتتىڭ باسپا ءسوز قىزمەتى.
ايتا كەتەيىك، 24 ءساۋىر كۇنى سوت قاۋلىسىمەن تەرگەۋ ورگاندارىنىڭ ءوتىنىشى قاناعاتتاندىرىلىپ، قايرات قۇدايبەرگەنگە قاتىستى ارەكەتتى سارالاۋ تۋرالى قاۋلى شىعارىلعانعا دەيىن ونى 30 تاۋلىك مەرزىمگە كۇزەتپەن ۇستاۋ تۇرىندەگى بۇلتارتپاۋ شاراسىنا سانكسيا بەرىلگەن بولاتىن.
ەسكە سالايىق، قايرات قۇدايبەرگەننىڭ ۇستالعانى تۋرالى اقپارات 22 ساۋىردە پايدا بولعان ەدى.
كەيىن ق ر باس پروكۋراتۋراسى الماتى قالاسى ءماسليحاتىنىڭ دەپۋتاتى قايرات قۇدايبەرگەن قاڭتار وقيعاسىنىڭ ءىسى بويىنشا ۇستالعانىن راستادى.
قايرات قۇدايبەرگەن ديكيي ارمانمەن بىرگە ادام جيناۋدى ۇيىمداستىرعان.