وقيعا سوت ورىنداۋشىلارى سوت شەشىمى نەگىزىندە جۇرگىزگەن كوشىرۋ كەزىندە بولعان.
استانا قالاسىنىڭ قىلمىستىق ىستەر جونىندەگى اۋدانارالىق سوتى شىمكەنت قالاسىنىڭ بۇرىنعى اكىمىنىڭ اعاسى مارات ايتەنوۆكە قاتىستى قىلمىستىق ءىس بويىنشا ۇكىم شىعاردى، دەپ حابارلايدى aqshamnews.kz
وقيعا سوت ورىنداۋشىلارى سوت شەشىمى نەگىزىندە جۇرگىزگەن كوشىرۋ كەزىندە بولعان. مارات ايتەنوۆ ءوزىنىڭ بۇرىنعى ايەلى د.-عا قاساقانا زورلىق-زومبىلىق جاساپ، ونىڭ دەنەسىنە ازداعان جانە كوگەرۋ تۇرىندە زيان كەلتىرگەن. ايتەنوۆتىڭ كىناسى وقيعا ورنىنان تۇسىرىلگەن بەينەجازبا، سوت-مەديسينالىق ساراپتاما قورىتىندىسى جانە باسقا دا ايعاقتارمەن راستالدى.
مارات ايتەنوۆ ءوز كىناسىن تولىق مويىنداپ، جينالعان ايعاقتاردى داۋلاماي، شىن جۇرەكتەن وكىندى. سوت ونى قازاقستان رەسپۋبليكاسى قىلمىستىق كودەكسىنىڭ 109-1-بابىنىڭ 1-بولىگىمەن كىنالى دەپ تانىپ، 12 تاۋلىككە قاماۋعا الۋ تۋرالى ۇكىم شىعاردى. سوت اكتىسى ءالى زاڭدى كۇشىنە ەنگەن جوق.