«بالقىتۋ» ج ش س ديرەكتورى ءومىرتاي اداموۆ پارا بەرگەنىن مويىندادى
اتىراۋدا وبلىس اكىمىنىڭ بۇرىنعى ورىنباسارى ب.حامەنوۆاعا قاتىستى سوت وتىرىسى ءوتتى دەپ حابارلادى Almaty-akshamy.kz ATPress.kz-كە سىلتەمە جاساپ.
تۇسكە دەيىنگى سوت وتىرىسىندا پروكۋرور لاۋرا اسانوۆا ايىپتاۋ اكتىسىن وقىدى. وندا ول باقىتگۇل حامەنوۆانىڭ 4،5 ميلليون تەڭگەنى ەكى ادامعا بولگەنىن ايتتى. اقىلبەك رىسقالييەۆكە اتالعان سومانىڭ 2 ملن تەڭگەسىن وزىنە قالدىرۋدى تاپسىرعان.
«حامەنوۆا رىسقالييەۆ اتىراۋ وبلىسى اكىمدىگى عيماراتىنان شىققاننان كەيىن ونى قايتا شاقىرىپ العان. جينالىس كەزىندە شاقىرىپ «سەن مىناعان وتە ساق بول، وتە ساق بول! سەنىڭ ارتىڭنان قاراپ جۇرگەن ادام كوپ» دەپ ايتقان. وسىلايشا رىسقالييەۆقا پارا رەتىندە الىنعان اقشاعا ساق بولۋدى ەسكەرتتى»، – دەدى پروكۋرور.
الايدا باقىتگۇل حامەنوۆا سوت وتىرىسى بارىسىندا وزىنە تاعىلعان ايىپتى مويىندامادى. ال وبلىستىق مادەنيەت باسقارماسىنىڭ باسشىسى اقىلبەك رىسقالييەۆ تەك دەلدال رەتىندە جۇمىس ىستەگەنىن ايتتى. «بالقىتۋ» ج ش س ديرەكتورى ءومىرتاي اداموۆ پارا بەرگەنىن مويىندادى. ادۆوكات ي.ۆرانچيەۆ قورعاۋىنداعى ب.حامەنوۆانى ۋاقىتشا قاماۋ يزولياتورىنان ءۇيقاماققا اۋىستىرۋ تۋرالى ءوتىنىشىن بىلدىرگەن بولاتىن. ونىڭ بۇل ۇسىنىسىن باسقا ايىپتالۋشىلار دا، ولاردىڭ قورعاۋشىلارى دا قۇپتادى. الايدا سوت جۇماعالي تاشيموۆ باقىتگۇل حامەنوۆاعا قاتىستى قاماۋعا الۋ تۇرىندەگى بۇلتارتپاۋ شاراسىن سانكسيالاۋ تۋرالى ءوتىنىشتى قاناعاتتاندىرمادى. سوت وتىرىسى 12 تامىز كۇنى جالعاسادى.
ايتا كەتەيىك، 2021 جىلدىڭ جەلتوقسانىندا اتىراۋ وبلىسى اكىمىنىڭ بۇرىنعى ورىنباسارى باقىتگۇل حامەنوۆا مەن وبلىستىق مادەنيەت باسقارماسىنىڭ باسشىسى اقىلبەك رىسقالييەۆ ۇستالدى. ولار اباي ەسكەرتكىشىن ورناتۋعا مەملەكەتتىك ساتىپ الۋ شارتىن جاساعانى ءۇشىن 4،5 ميلليون تەڭگە پارا الدى دەگەن كۇدىككە ءىلىندى. ايىپتالۋشىلاردىڭ قاتارىندا «بالقىتۋ» ج ش س ديرەكتورى ءومىرتاي اداموۆ تا بار.