ءۇندىستاننىڭ پەنجاب جانە حاريان شتااتتارىنىڭ جوعارعى سوتى دارىگەرلەرگە جازۋ قولتاڭباسىن جاقسارتۋدى مىندەتتەدى.
ويتكەنى، مەملەكەتتىك دارىگەردىڭ سوت-مەديسينا تۇجىرىمداماسىن ەشكىم وقي الماعان، - دەپ حابارلايدى Aqshamnews.kz.
سوت جەتەكشىسى جاسگۋرپريت سينگح پۋري انىق تا قانىق جازىلعان مەديسينالىق رەسەپتى نەگىزگى قۇقىقققا جاتاتىنىن مالىمدەدى. ياعني، پاسيەنت ءوزىنىڭ قاۋىپسىزدىگى ءۇشىن دارىگەردىڭ نە جازعانىن بىلۋگە قۇقىلى. بۇل ماسەلەنى الداعى ۋاقىتتا، دالىرەگى، ەكى جىل ىشىندە سيفرلى رەسەپتىگە كوشۋ ارقىلى شەشۋى مۇمكىن. وعان دەيىن دارىگەرلەر رەسەپتىنى انىق تا قانىق ەتىپ جازۋعا مىندەتتى.
دەسە دە ءۇندى مەديسينا قاۋىمداستىعىنىڭ پرەزيدەنتى ديليپ بحانۋشالي دارىگەردىڭ قابىلداۋىنا كەلگەن پاسيەنتتەردىڭ كوپتىگىنەن دارىگەرلەر جازۋىن تۇسىنىكتى ەتىپ جازىپ وتىرۋعا ۋاقىتى تاپشى ەكەنىن العا تارتتى. ءۇندىستاندا مۇنداي جاعداي العاش رەت ەمەس، وديش جانە اللاحابا سوتتارى دا بۇرىن دارىگەرلەردىڭ جازۋ قولتاڭباسىن قاتاڭ سىنعا العان بولاتىن. كۇللى الەم بويىنشا دارىگەردىڭ وسىنداي سالعىرتتىعىنان، ياعني، رەسەپتىنى تۇسىنىكتى ەتىپ جازباۋىنان مىڭداعان ناۋقاس باقيلىق بولعان ەكەن. 1999 جىلى امەريكا قۇراما شتاتتارىندا جاريالانعان ەسەپتە كەلتىرىلگەن دەرەككە سايكەس جىل سايىن دارىگەردىڭ تۇسىنىكسىز قولتاڭباسىنان 7000 ادام قايتىس بولادى.