بۇگىننەن باستاپ جەڭىلدەتىلگەن اۆتونەسيە بەرۋ قايتا جالعاسادى. بۇل جولى وتىنىشتەر تەك ونلاين رەجيمدە قابىلدانادى. ءوتىنىش قابىلدايتىن ارنايى پورتال سىناقتان ءوتتى، دەپ حابارلايدى Almaty-akshamy.kz Inbusiness.kz-كە سىلتەمە جاساپ.
جىل باسىنان بەرى ەلىمىزدە 98 مىڭعا جۋىق جاڭا جەڭىل كولىك ساتىلعان. ءوندىرىستى دامىتۋ قورى ءتوراعاسىنىڭ ورىنباسارى رينات عاپپاروۆ جاڭاشىلدىق جۇزدەگەن ازاماتتىڭ جەڭىل نەسيەمەن قامتىلۋىنا مۇمكىندىك بەرەتىنىن العا تارتتى. ونىڭ ايتۋىنشا، باعدارلاما نەگىزىندە قارىز بۇعان دەيىنگى قارىزدىڭ قايتارىلۋى ەسەبىنەن بەرىلمەك.
"تۇسكەن اقشا يگەرىلگەننەن كەيىن نەسيەلەۋ قايتادان كىدىرەدى. 2047 جىلعا دەيىن ريەۆولۆەرلىك قاراجات كولەمى 14،3 ملرد تەڭگەدەن اسادى"، - دەيدى رينات عاپپاروۆ.
وسىلايشا، 30 جىل ىشىندە حالىققا 4 پايىزدىق مولشەرلەمەمەن 60 مىڭ جاڭا كولىك الۋعا مۇمكىندىك تۋادى. باعدارلاما بويىنشا تەك وتاندىق كولىكتەردى ساتىپ الۋعا بولادى.