كەزەكتە تۇرعان تاعى 271 ادام جاڭا تۇك-نەن پاتەر كىلتىن الدى، دەپ حابارلايدى Almaty-akshamy.kz
ونىڭ ىشىندە جەتىم بالا – 27، I جانە II توپتاعى مۇگەدەك – 28، جەڭىلدىكتەر بويىنشا ۇوس ارداگەرلەرىنە تەڭەستىرىلگەن ارداگەر – 23، مۇگەدەك بالالاردى تاربيەلەپ وتىرعان وتباسى – 58، تولىق ەمەس وتباسى – 129، زەينەتكەر – 5 جانە كەيبىر سوزىلمالى اۋرۋدىڭ اۋىر تۇرىنەن زارداپ شەگەتىن ءبىر ادام.
باسپانالى بولعان جاننىڭ ءبىرى 69 جاستاعى مارات شاحانوۆ.
«10 جىلدان استام ۋاقىت بويى مەن كەزەكتە تۇردىم، شىنىمدى ايتسام، قوڭىراۋدى كۇتپەدىم. ءبىراق كەشە ماعان قوڭىراۋ شالىپ، جاڭا پاتەر بەرىلەتىنىن حابارلادى. مەن التىنشى قاباتتاعى ءۇيىمدى كورىپ شىقتىم، قۇرىلىس ساپاسىنا ريزا بولدىم. بيىل مۇقتاج جاندارعا كوپتەپ پاتەر بەرىلىپ جاتىر. مۇنىڭ ءبارى الماتى اكىمى ەربولات دوسايەۆتىڭ ارقاسى دەپ بىلەمىن. قالا بيلىگىنە جاڭا پاتەردە تۇرۋعا مۇمكىندىك بەرگەنى ءۇشىن وتە ريزامىن»، - دەدى مارات شاحانوۆ.
ەستەرىڭىزگە سالا كەتەيىك، ءحاوت ساناتىنداعى كەزەكتە تۇرعاندارعا كىلت تاپسىرۋ ءراسىمى بيىل 25 مامىردا باستالعان بولاتىن. سودان كەيىن كەزەكتە تۇرعان 124 ادام ءۇش ۇيدەن پاتەر الدى. كەزەكتە تۇرعان 164 ادام ەكى لەككە ىلىگىپ، 28 مامىردا باسپانالى بولدى. 30 مامىردا تاعى 105 كەزەكتە تۇرعاندارعا ءۇي بەرىلدى. 5 ماۋسىمدا 111 وتباسى جاڭا ۇيگە قونىستاندى. بيىل 7 ماۋسىمدا 86 ادام قونىس تويىن تويلادى.
ايتا كەتەيىك، الماتى قالاسىنىڭ اكىمى ەربولات دوسايەۆتىڭ تاپسىرماسىمەن 2024 جىلى قالانىڭ كوممۋنالدىق تۇرعىن ءۇي قورىنان حالىقتىڭ الەۋمەتتىك وسال توبىنىڭ ءتىزىمى بويىنشا كەزەكتە تۇرعان ازاماتتارعا كەزەكتىلىك تارتىبىمەن ەكى مىڭ جالعا بەرىلەتىن پاتەر بەرۋ جوسپارلانعان، ونىڭ 400ء-ى جەتىم بالالارعا بەرىلەدى.