اۋىل شارۋاشىلىعى قازاقستان ەكونوميكاسىنىڭ باسىم سالالارىنىڭ ءبىرى.
اۋىلدىق جەرلەردە ەل حالقىنىڭ 38%-ى تۇرادى، بۇل شامامەن 7،6 ميلليون ادامدى قۇرايدى. قازىرگى ۋاقىتتا اگروونەركاسىپتىك كەشەن ەڭبەكپەن قامتىلعان حالىقتىڭ جالپى سانىنىڭ 11% جۇمىس ورىندارىمەن قامتاماسىز ەتەدى، دەپ حابارلايدى aqshamnews.kz.
سوڭعى التى جىلدا اوك مەملەكەتتىك قولداۋدىڭ كەشەندى شارالارىن ىسكە اسىرۋدىڭ ارقاسىندا وڭ سەرپىن كورسەتتى. تابىستىڭ نەگىزگى فاكتورلارىنىڭ ءبىرى سالانى سۋبسيديالاۋعا قوماقتى قاراجات ءبولۋ بولدى. وسى كەزەڭدە اوك-نى قولداۋعا 2،5 ترلن. تەڭگە، بۇل رەتتە 2025 جىلعا 655،2 ملرد. تەڭگە مولشەرىندە قوسىمشا قارجىلاندىرۋ كوزدەلگەن.
مۇنداي ينۆەستيسيالاردىڭ ناتيجەسى اۋىل شارۋاشىلىعىنىڭ جالپى ءونىمىنىڭ ايتارلىقتاي ءوسۋى بولدى. التى جىل ىشىندە ول 1،8 ەسە ءوسىپ، 8،3 ترلن تەڭگەگە جەتتى. بۇل 2018 جىلمەن سالىستىرعاندا 3،8 ترلن. تەڭگەگە كوپ، ويتكەنى 2018 جىلى 4،5 ترلن. تەڭگەنى قۇراعان.
بۇدان باسقا، مەملەكەتتىك قولداۋ شارالارىنىڭ ارقاسىندا اوك نەگىزگى كاپيتالىنا ينۆەستيسيالار اعىنىنىڭ تۇراقتى ءۇردىسى ساقتالۋدا.
ماسەلەن، سوڭعى بەس جىلدا اۋىل شارۋاشىلىعىنا ينۆەستيسيا كولەمى 2،5 ەسەگە ۇلعايىپ، 2024 جىلى 919 ملرد.تەڭگەنى قۇرادى (2018 جىلى سالىستىرعاندا 365 ملرد. تەڭگە). سول كەزەڭدە ازىق-تۇلىك وندىرىسىنە سالىنعان ينۆەستيسيالار 40% - عا ارتىپ، 180،8 ملرد.تەڭگەگە جەتتى (2018 جىلمەن سالىستىرعاندا 125،7 ملرد. تەڭگە).
ينۆەستيسيا سونىمەن قاتار اۋىل شارۋاشىلىعىنداعى ەڭبەك ونىمدىلىگىنىڭ ارتۋىنا ىقپال ەتتى. 2023 جىلدىڭ قورىتىندىسى بويىنشا ءبىر جۇمىسپەن قامتىلعاندارعا ەڭبەك ونىمدىلىگى 4،2 ملن.تەڭگەنى قۇرادى، بۇل 2018 جىلعى كورسەتكىشتەن ەكى ەسە كوپ (2،1 ملن. تەڭگە).
سوڭعى التى جىلدا ەلىمىزدە ازىق-تۇلىك ءوندىرىسىنىڭ كولەمى 2،1 ەسەگە ارتىپ، 3،3 ترلن. تەڭگەنى قۇرادى. ءوز كەزەگىندە اوك ونىمدەرىنىڭ ەكسپورتى دا ايتارلىقتاي ءوسىم كورسەتتى. بەس جىل ىشىندە ەكسپورت كولەمى 1،7 ەسەگە ارتىپ، 2024 جىلى 5،1 ملرد.اقش دوللارىن قۇرادى (2018 جىلمەن سالىستىرعاندا 3،1 ملرد. اقش دوللارى).
وسىلايشا، اگروونەركاسىپتىك كەشەن مەملەكەتتىك قولداۋدىڭ، ينۆەستيسيالار تارتۋدىڭ جانە ەڭبەك ونىمدىلىگىن ارتتىرۋدىڭ ارقاسىندا نىعايىپ، دامۋىن جالعاستىرۋدا. وسى فاكتورلاردىڭ بارلىعى اۋىل شارۋاشىلىعىنىڭ تۇراقتى دامۋىن جانە ونىڭ ەل ەكونوميكاسىنا ەلەۋلى ۇلەسىن قامتاماسىز ەتەدى.