وكق بريفينگىندە جاستار ساياساتى باسقارماسى باسشىسىنىڭ ورىنباسارى ءازيز قاجدەنبەك سۇرانىسقا يە ماماندىقتاردىڭ قاتارىندا SMM-ماماندارى مەن قولونەرشىلەر بار ەكەنىن ايتتى. سونداي-اق، جۇمىس بەرۋشىلەرگە تالانتتى IT ماماندارى قاجەت، دەپ حابارلايدى Almaty-akshamy.kz.
«قازىرگى ۋاقىتتا بوس جۇمىس ورىندارىنىڭ ەڭ كوپ سانى بانك سالالارىنان كەلەدى، نەگىزىنەن call-ورتالىق وپەراتورلارى مەن ينجەنەرلەردى ىزدەيدى. وزەكتى ماماندىقتاردىڭ ىشىندە بارلىق كومپانيالارعا SMM مەنەدجەرلەرى مەن موبيلوگرافتار قاجەت. وسىعان بايلانىستى ءبىز جاستار اراسىندا تانىمال وزەكتى ماماندىقتار بويىنشا كۋرستاردى ىسكە قوستىق. قولونەر ماماندىقتارى دا سۇرانىسقا يە - ولار ەلەكتريكتەر، دانەكەرلەۋشىلەر جانە قىش ونەرى»، - دەپ اتاپ ءوتتى ءا.قاجدەنبەك.
سونىمەن قاتار، IT مامانداندىرۋ كۋرستارى ىسكە قوسىلعان، ويتكەنى كوپتەگەن بوس جۇمىس ورىندارى وسى سالادان كەلەدى. بۇل باعىت جاستاردى جوعارى جالاقىسىمەن قىزىقتىرادى.
«جاستار بۇل سالادا جۇمىس ىستەۋگە نيەت بىلدىرۋدە، ويتكەنى بۇل سالاداعى ورتاشا جالاقى باسقا كەڭ تارالعان سالالارعا قاراعاندا كوبىرەك. سونداي-اق، ءبىز سوفت-سكيللدەر بويىنشا قىسقا مەرزىمدى كۋرستاردى دا ىسكە قوستىق»، - دەپ تولىقتىردى سپيكەر.
سونىمەن قاتار، قالالىق مانساپ ورتالىعىنىڭ باسشىسى اسكەربەك ناسامبايەۆ Jobfair 365 بوس جۇمىس ورىندارىنىڭ سيفرلىق جارمەڭكەسىنىڭ ىسكە قوسىلعانى تۋرالى ايتتى.
«قالالىق مانساپ ورتالىعى - بۇل جۇمىس بەرۋشىلەرمەن، جوو تۇلەكتەرىمەن جانە جۇمىسسىز جاستارمەن تىكەلەي بايلانىسى بار الاڭ. ءبىز 18 جاستان 35 جاسقا دەيىنگى جاستاردى جۇمىسقا ورنالاستىرۋعا باعدارلانعانبىز. ءبىز سونداي-اق Jobfair 365 ساندىق پلاتفورماسىنىڭ وپەراتورلارىمىز. ول وسى جىلدىڭ مامىر ايىندا ىسكە قوسىلدى»، - دەپ ءبولىستى ول.
سپيكەر اتاپ وتكەندەي، پلاتفورما جۇمىس بەرۋشىلەر ءۇشىن دە، جۇمىس ىزدەۋشىلەر ءۇشىن دە تەگىن. مۇندا جاستار ءۇشىن بارلىق وزەكتى بوس ورىندار جاريالانادى. سونداي-اق، الماتى قالاسىنداعى بوس ورىندار مەن ءىس-شارالار تۋرالى وزەكتى اقپاراتتى jasalmaty.kz ءبىرىڭعاي پلاتفورماسىنان الۋعا بولادى.