وتكەن جىلدىڭ قورىتىندىسىندا Garmin Forerunner 630 مودەلى ۇزدىك اتالعان.
"روسكاچەستۆونىڭ" تاڭداۋى بويىنشا، Garmin Forerunner 55 - 2021 جىلدىڭ ەڭ جاقسى سمارت ساعاتى دەپ تانىلدى، دەپ حابارلايدى Almaty-akshamy.kz
«روسكاچەستۆو» ماماندارى 2021 جىلدىڭ ەڭ ۇزدىك سمارت-ساعاتتارىن تاڭدادى. زەرتتەۋلەر مەن رەيتينگ اتالعان ۇيىمنىڭ ۆەب-سايتىندا جاريالاندى.
ساراپشىلار Garmin Forerunner 55ء-تى جىلدىڭ ەڭ جاقسى سمارت-ساعاتى دەپ اتادى.
«بۇل باتارەياسىنىڭ قىزمەت ەتۋ مەرزىمى 504 ساعاتتى قۇرايتىن نارىقتاعى ەڭ ءدال جانە ۇزاق جۇمىس ىستەيتىن مودەلدەردىڭ ءبىرى»، - دەلىنگەن.
ۇزدىك ۇشتىكتىڭ ۇشەۋىن دە امەريكالىق ءوندىرۋشىنىڭ اكسەسسۋارلارى يەلەندى: ەكىنشى جانە ءۇشىنشى ورىنداردا تيىسىنشە Garmin Venu Sq Music Edition مەن Garmin Forerunner 745 تۇر.
"روسكاچەستۆونىڭ" مالىمەتىنشە، ەڭ ىڭعايلى ساعات - 44 مم كورپۋسى بار Samsung Galaxy Watch4. Apple Watch Series 7ء-نى iPhone ءۇشىن ەڭ جاقسى سمارت-ساعات دەپ اتادى: «ونىڭ سەنسورى سەنىمدى، كوپتەگەن سمارت قوسىمشاسى بار، ءبىراق باتارەياسى ءالسىز».
Xiaomi Mi Watch 10 مىڭ رۋبلدەن اسپايتىن ساعاتتار رەيتينگىن باستاپ تۇر: «ولار Android سمارتفوندارىمەن دە، iPhone تەلەفوندارىمەن دە ۇيلەسىمدى، سوندىقتان ولاردى Apple Watch-قا ارزان بالاما رەتىندە قاراستىرۋعا بولادى». بۇل ۇشتىككە Realme Watch 2 Pro جانە Amazfit GTS 2 mini دە كىرەدى.
«سمارت-ساعاتتاردى پايدالانۋشىلار ءۇشىن ەڭ ماڭىزدى فۋنكسيا –دەنساۋلىقتى باقىلاۋ جانە حابارلاندىرۋلارمەن جۇمىس ىستەۋ»، - دەدى "روسكاچەستۆو" حالىقارالىق زەرتتەۋ ءبولىمىنىڭ باسشىسى مارينا بوروۆكوۆا.
2020 جىلدىڭ جەلتوقسان ايىندا "روسكاچەستۆو" ماماندارى Garmin Forerunner 630 مودەلىن ۇزدىك ساعات دەپ اتاعان بولاتىن. رەيتينگتىڭ العاشقى وندىعىندا Samsung، Fitbit، Apple جانە Huawei قۇرىلعىلارى بولدى.