بەلارۋس ەلىندە 32ء-شى حالىقارالىق «سلاۆيان بازارى» ونەر فەستيۆالى اياسىندا بالالار مۋزىكالىق بايقاۋىنىڭ ەكىنشى، سوڭعى كۇنى ءوتىپ جاتىر.
قازاقستاننىڭ ابىرويىن اسىرىپ، جاس ءانشى شەرحان ارىستان بايقاۋدىڭ ءبىرىنشى كۇنى قازىلار القاسىنىڭ ەڭ جوعارى ۇپايىنا يە بولدى، دەپ حابارلايدى Almaty-akshamy.kz.
24.kz حابارلاۋىنشا، سايىسقا الەمنىڭ 18 ەلىنەن ۇمىتكەرلەر كەلگەن. ال قازىلار القاسىنا قازاقستاننىڭ حالىق ءارتىسى ناعيما ەسقالييەۆا ءتوراعالىق ەتىپ وتىر. بايقاۋدىڭ العاشقى كۇنگى قورىتىندىسى بويىنشا قازاقستان كوش باستاپ تۇر.
ءادىلقازىلار جاس تالانت شەرحان ارىستاننىڭ ونەرىنە جوعارى باعا بەردى. جالپى ءبىزدىڭ ونەرپازدار 20 جىلدان بەرى بۇل بايقاۋعا ۇزدىكسىز قاتىسىپ كەلەدى. جانە دە جۇلدەسىز قايتقان كەزى جوق. بيىل دا وتانداستارىمىزدىڭ باعى باسىم بولاتىنىنا سەنىم مول.