پلاتفورماعا 474 مىڭنان استام ادام تىركەلگەن.
Skills Enbek-تەگى كەيبىر اقىلى كۋرستار حالىقتىڭ الەۋمەتتىك وسال توپتارى ءۇشىن تەگىن بولادى، دەپ حابارلايدى aqshamnews.kz
«ەڭبەك رەسۋرستارىن دامىتۋ ورتالىعى» اق مالىمەتىنشە، Skills Enbek پلاتفورماسىندا «الەۋمەتتىك» قوسىمشاسى قۇرىلعان. وندا حالىقتىڭ الەۋمەتتىك وسال توپتارىنا جاتاتىن قازاقستاندىقتارعا كەيبىر اقىلى كۋرستار بويىنشا تەگىن نەگىزدە وقۋعا مۇمكىندىك بەرىلەدى.
وقۋدى باستاۋ ءۇشىن ازاماتتارعا «الەۋمەتتىك» قوسىمشاسىنداعى كۋرستى تاڭداۋ كەزىندە ەسق ارقىلى ولاردىڭ مارتەبەسىنىڭ سايكەستىگىن راستاۋ قاجەت. تەكسەرۋدەن ءساتتى وتكەننەن كەيىن كۋرس پايدالانۋشىنىڭ جەكە كابينەتىندە قولجەتىمدى بولادى.
ءقازىر جاڭا بولىمدە كيىز باسۋ جانە تىگۋ سياقتى قولدانبالى ماماندىقتار، سونداي-اق ەكولوگيالىق جانە الەۋمەتتىك ءبىلىم بەرۋ داعدىلارى بويىنشا سۋردواۋدارماسى بار بىرنەشە كۋرستار بار. بۇل كۋرستاردى USAID قولداۋىمەن «ينكليۋزيۆتى قولونەر» جوباسى اياسىندا «Qolqanat Foundation» قوعامدىق قورى ازىرلەدى.
Skills Enbek پلاتفورماسى – ماركەتپلەيس قاعيداتى بويىنشا كۋرستارعا قول جەتكىزۋدى قامتاماسىز ەتەتىن حالىقارالىق وقىتۋ الاڭدارىنىڭ قازاقستاندىق انالوگى. ىسكە قوسىلعالى بەرى پلاتفورمادا ءارتۇرلى باعىتتار بويىنشا 600-دەن استام كۋرس ورنالاستىرىلدى. ولاردىڭ جارتىسى تەگىن. پلاتفورماعا ءقازىردىڭ وزىندە 474 مىڭنان استام ادام تىركەلگەن. ولاردىڭ 390 مىڭنان استامى وقۋدى ءساتتى اياقتادى.