كۇننىڭ سۋىقتىعىنان ءتىرى قالعانداردى تابۋ ءۇمىتى ازايىپ بارادى
سيرياداعى توزىعى جەتكەن ينفراقۇرىلىم قۇتقارۋ جۇمىستارىن قيىنداتىپ وتىر، دەپ حابارلايدى Almaty-akshamy.kz.
جەر سىلكىنىسىنەن زارداپ شەككەن ايماقتارعا كومەك جەتكىزۋ مۇمكىن بولماي جاتىر.
ازىرگە جولداردىڭ بىرەۋى اشىلدى. تاعى ەكى وتكىزۋ پۋنكتى ىسكە قوسىلادى.
ال، ءۇيىندى استىندا جاتقانداردى شىعارۋعا اۋىر تەحنيكا جوق. اپاتتان 3 مىڭداي ادام قازا تاپقان، دەپ جازادى qazaqstan.tv.
رەسمي مالىمەتتەرگە ساي، ءزىلزالا بولعان ەلدىڭ سولتۇستىك-باتىسىنداعى قالالاردا 11 ميلليونعا جۋىق ادام تۇرادى.
كۇننىڭ سۋىقتىعىنان ءتىرى قالعانداردى تابۋ ءۇمىتى ازايىپ بارادى. ونىڭ ۇستىنە اياز كۇشەيدى. ال ءۇيسىز قالعاندار دالادا تۇنەۋگە ءماجبۇر.