كەي وڭىرلەردە 42 گرادۋس اپتاپ ىستىق بولادى دەپ بولجانۋدا.
سينوپتيكتەر الداعى ەكى كۇندە ءبىرقاتار وبلىستا كۇن ىستىق بولاتىنىن ايتتى، دەپ حابارلادى Almaty-akshamy.kz.
23-24 ماۋسىمدا اقتوبە وبلىسىنىڭ وڭتۇستىگىندە 40-41 گرادۋس ىستىق بولسا، قاراعاندىنىڭ سولتۇستىگىندە، وڭتۇستىك-شىعىسىندا نايزاعاي وينايدى. سولتۇستىك-باتىستان، سولتۇستىكتەن جەل سوعادى، وبلىستىڭ سولتۇستىگىندە، وڭتۇستىك-شىعىسىندا ەكپىنى 15-20 م/س-عا جەتەدى.
جەزقازعان قالاسىندا كۇندىز 23-25 ماۋسىمدا 35-37 گرادۋس، ال اتىراۋدىڭ شىعىسىندا اپتاپ ىستىق 41 گرادۋسقا دەيىن كوتەرىلەدى. وبلىستىڭ شىعىسىندا توتەنشە ءورت ءقاۋپى كۇتىلەدى. سونداي-اق قالانىڭ سولتۇستىگىندە، شىعىسىندا جانە ورتالىعىندا ەكپىنى – 15-20 م/س جەل سوعادى.
ال تۇركىستان وبلىسىنىڭ تاۋلى اۋداندارىندا نايزاعاي ويناپ، داۋىل سوعادى. وڭتۇستىك-شىعىستان جەل سوعادى، تاۋلى اۋدانداردا جەلدىڭ ەكپىنى 15-20 م/س-قا جەتەدى. 23 ماۋسىمدا كۇندىز قىزىلوردا وبلىسىندا 42 گرادۋس اپتاپ ىستىق بولادى دەپ بولجانۋدا. وبلىستىڭ باسىم بولىگىندە توتەنشە ءورت ءقاۋپى ساقتالادى. بۇل كۇنى سونداي-اق الماتى وبلىسىنىڭ وڭتۇستىگىندە جانە تاۋلى اۋداندارىندا نايزاعاي وينايدى، كۇندىز وبلىستىڭ باتىسىن شاڭدى داۋىل باسادى. وڭتۇستىك-باتىستان جەل سوعادى، كۇندىز وبلىستىڭ باتىسىندا جانە شىعىسىندا – 15-20 م/س، ەكپىنى – 25 م/س.
تالدىقورعان مەن قونايەۆ قالالارىندا كۇندىز 36 گرادۋس قاتتى ىستىق ساقتالادى. ماڭعىستاۋ وبلىسىنىڭ سولتۇستىگىن، باتىسىن، ورتالىعىن شاڭدى داۋىل باسادى. سولتۇستىك-باتىستان جەل سوعادى، وبلىستىڭ سولتۇستىگىندە، باتىسىندا، ورتالىعىندا – 15-20، ەكپىنى – 25 م/س. كۇندىز وبلىستىڭ باسىم بولىگىندە 40 گرادۋس اپتاپ ىستىق كۇتىلەدى.
23 ماۋسىم كۇنى اقتاۋ قالاسىن شاڭدى داۋىل باسادى. سولتۇستىك-باتىستان ەكپىنى 15-20 م/س-قا جەتەتىن جەل سوعادى. ال شىعىس قازاقستان وبلىسىنىڭ وڭتۇستىگىندە، وڭتۇستىك-شىعىسىندا 36 گرادۋس قاتتى ىستىق كۇتىلەدى. وبلىستىڭ باتىسىندا توتەنشە ءورت ءقاۋپى ساقتالادى.
نايزاعاي مەن داۋىل قوستاناي وبلىسىندا دا كۇتىلەدى. جەل وڭتۇستىك-باتىستان سوعادى، نايزاعاي كەزىندە ەكپىنى 15-20 م/س-قا دەيىن جەتەدى. كۇندىز وبلىستىڭ وڭتۇستىگىندە 39 گرادۋسقا دەيىن قاتتى ىستىق بولادى. 23 ماۋسىم كۇنى تۇندە پاۆلودار وبلىسىنىڭ سولتۇستىگىندە، كۇندىز وبلىستىڭ باسىم بولىگىندە ەكپىنى 15-20 م/س جەل سوعادى.