«قازگيدرومەت» رمك 28-30 قىركۇيەك ارالىعىنداعى اۋا رايى بولجامىن جاسادى، دەپ حابارلايدى Almaty-akshamy.kz.
الداعى كۇندەرى رەسپۋبليكانىڭ باسىم بولىگىندە كۇن رايى قۇبىلمالى بولماق. جاڭبىر، نايزاعاي، ەكپىندى جەل تۇرادى دەپ كۇتىلەدى.
تەك قازاقستاننىڭ باتىسىندا سولتۇستىك-باتىس انتيسيكلونىنىڭ اسەرىنەن جاۋىن-شاشىنسىز كۇن رايى ءالى دە ساقتالادى.
تۇندە جانە تاڭەرتەڭ ەلدىڭ سولتۇستىك جارتىسىندا، رەسپۋبليكانىڭ وڭتۇستىك جانە وڭتۇستىك-شىعىسىنداعى تاۋلى اۋدانداردا تۇمان تۇسەدى.
ەلىمىزدىڭ شىعىسىندا 28-29 قىركۇيەكتە تۇنگى ۋاقىتتا 1-3 گرادۋسقا دەيىن ۇسىك ساقتالادى.
تەمپەراتۋرالىق فوندا ەلەۋلى وزگەرىستەر كۇتىلمەيدى، تەك رەسپۋبليكانىڭ وڭتۇستىگىندە، وڭتۇستىك-شىعىسىندا اۋا تەمپەراتۋراسى كۇندىز 17-23 گرادۋس، تاۋلى اۋدانداردا 8-13 گرادۋس شاماسىندا بولماق.