جاقىندا مۇنداي قوڭىراۋلار ارقىلى الاياقتىق جاعدايلارىنىڭ كوبەيۋى بايقالدى.
پاۆلودار وبلىسىنىڭ پوليسياسى تۇرعىنداردى SIM-كارتالاردىڭ جارامدىلىق مەرزىمىنىڭ جاقىن ارادا اياقتالاتىنىن مالىمدەيتىن الاياقتار پايدا بولعاندىعى تۋرالى ەسكەرتەدى، – دەپ حابارلايدى اlmaty-akshamy.kz.
پوليسيا دەپارتامەنتى ايماق تۇرعىندارىن “SIM-كارتاڭىزدىڭ جارامدىلىق مەرزىمى جاقىن ارادا اياقتالادى” – دەپ حابارلاساتىن بولجامدى ۇيالى بايلانىس وپەراتورلارىنان قوڭىراۋلار تۇسكەن كەزدە ەرەكشە سەرگەك جانە ساق بولۋدى ەسكەرتەدى.
جاقىندا مۇنداي قوڭىراۋلار ارقىلى الاياقتىق جاعدايلارىنىڭ كوبەيۋى بايقالدى، بۇل ازاماتتاردىڭ نازارىن جانە حاباردار بولۋىن تالاپ ەتەدى.
"جاقىندا پوليسياعا تۇرعىننان ۇيالى بايلانىس وپەراتورىنىڭ بولجامدى قىزمەتكەرى اتىنان قوڭىراۋ شالىنعاندىعى تۋرالى حابارلاعان ءوتىنىش ءتۇستى. قاسكوي ازاماتقا SIM كارتاسىنىڭ جارامدىلىق مەرزىمى اياقتالاتىنى تۋرالى حاباردار ەتكەن جانە ول ءۇشىن بەلگىلى ءبىر سمس-كودتى كورسەتە وتىرىپ، مەرزىمدى ۇزارتۋدى ۇسىنعان. قوڭىراۋ شالۋشىعا سەنىپ، ازامات كودتى ەنگىزگەن. االاياقتار وسى كود ارقىلى ونىڭ جەكە دەرەكتەرىنە قول جەتكىزگەن جانە ونىڭ اتىنا نەسيە راسىمدەگەن"، – دەپ حابارلايدى پاۆلودار وبلىسى پد كريمينالدىق پوليسياسىنىڭ كيبەرقىلمىسقا قارسى كۇرەس ءبولىمىنىڭ باستىعى ريزابەك جانات.
سوندىقتان ازاماتتاردىڭ ساقتىق تانىتۋى جانە مۇنداي قوڭىراۋلارعا سەنبەۋى وتە ماڭىزدى. اسىرەسە ولار بەلگىسىز نومىرلەردەن كەلسە ەرەكشە ساق بولۋ قاجەت. ەگەر ءسىز دەرەككوزدىڭ ءتۇپنۇسقالىعىنا سەنىمدى بولماساڭىز، ەشقاشان جەكە دەرەكتەردى بەرمەۋىڭىز نەمەسە تەلەفون ارقىلى الىنعان كودتاردى ەنگىزبەۋىڭىز كەرەك. كۇدىك تۋىنداعان جاعدايدا دەرەۋ پوليسياعا حابارلاسىپ، تەرگەۋ جۇرگىزۋ ءۇشىن بارلىق قولجەتىمدى مالىمەتتەردى ۇسىنعان ءجون.
"ءوزىڭىزدى وسىنداي الاياقتىقتاردان سەنىمدى قورعاۋ ءۇشىن SIM-كارتانىڭ ستاتۋسى نەمەسە كەز كەلگەن باسقا دا ماڭىزدى ماسەلەلەر تۋرالى اقپاراتتى ناقتىلاۋ ءۇشىن ۇيالى بايلانىس وپەراتورىنىڭ قولداۋ قىزمەتىنە تىكەلەي حابارلاسقان ءجون"، – دەپ اتاپ ءوتتى سپيكەر.