استانادا العاشقى ازيالىق ۆوكالدىق جوبا — Silk Way Star بايقاۋىنىڭ فينالى ءوتتى. ديماش قۇدايبەرگەن جاريالاعان قورىتىندىعا سايكەس، كونكۋرستىڭ جەڭىمپازى موڭعوليادان كەلگەن ءانشى ميشەل دجوزەف بولدى، دەپ حابارلايدى Aqshamnews.kz ءتىلشىسى.
ميشەل دجوزەف — موڭعوليادا كەڭ تانىلعان ءانشى ءارى اۆتور. ول شىعارماشىلىعىندا ۇلتتىق ۋرتىن دۋ ءداستۇرلى سوزىلمالى ءان ايتۋ مانەرىن زاماناۋي پوپ، R&B جانە فانك ەلەمەنتتەرىمەن ۇيلەستىرەدى. ءارتىس موڭعول جانە اعىلشىن تىلدەرىندە ونەر كورسەتەدى.
Silk Way Star فينالى Jibek Joly تەلەارناسىندا تىكەلەي ەفيردە كورسەتىلدى. سونىمەن قاتار جوبا ازەربايجان، تاجىكستان، قىرعىزستان، موڭعوليا، وزبەكستان جانە گرۋزيا تەلەارنالارىندا دا ترانسلياسيالاندى.
فينالدا جەتى ەلدىڭ ونەرپازدارى ب ا ق سىنادى: يازمين ازيز (مالايزيا)، مادينابونۋ ادىلوۆا (وزبەكستان)، ميشەل دجوزەف (موڭعوليا)، اۆتانديل ابەسلاميدزە (گرۋزيا)، ALEM (قازاقستان)، سارو گيەۆورگيان (ارمەنيا) جانە چجان حە سيۋان (جۇڭگو).
جەڭىمپاز ءادىلقازىلار شەشىمى مەن ونلاين-داۋىس بەرۋ ناتيجەسى بويىنشا انىقتالدى.