الەۋمەتتىك جەلىلەردى پايدالانۋشىلارى ساۋىردەن باستاپ بارلىعىن سيفرلىق اقشاعا ماجبۇرلەپ اۋىستىراتىنى تۋرالى ۆيدەونى قىزۋ تالقىلاۋدا. وسىلايشا ورتالىق بانك ادامداردىڭ بۇكىل شوتتارىن، ترانزاكسيالاردى تولىقتاي باقىلاپ، ولاردى ءوز ەركىنە باعىندىرا الادى دەگەن جالعان اقپارات تارۋدا، دەپ حابارلايدى almaty-akshamy.kz stopfake.kz سىلتەمە جاساپ.
تارالعان روليكتە نازار اۋدارارلىق ءبىرىنشى نارسە – بۇل مەرزىم. اۆتور جىلىن اتامايدى، دەمەك، قاي جىلدىڭ 1 ءساۋىرى ەكەنى بەلگىسىز. بۇل جاعدايدىڭ 2023 جىلى ورىن الماعانى انىق. ال 2024 جىلى بولا ما؟ انىقتايىق.
سيفرلىق اقشاعا كەلسەك، اۆتور ۇلتتىق بانكتىڭ سيفرلىق ۆاليۋتاسى جايلى ايتىپ وتىر. بۇل – بەلگىلى ءبىر ەلدىڭ ورتالىق بانكى شىعاراتىن، رەسمي مەملەكەتتىك ۆاليۋتانىڭ باعامىنا تەڭ جانە ونىمەن تەڭ پايدالانىلاتىن سيفرلىق اقشا ءتۇرى. قازاقستاندا بۇل – سيفرلىق تەڭگە.
ەلىمىزدە ونى ەنگىزۋ جوباسى 2021 جىلى باستالدى. 2023 جىلدىڭ سوڭىنا قاراي ازاماتتاردىڭ كەيبىر ساناتتارى سيفرلىق تەڭگەنى پايدالانا الادى دەپ جوسپارلانۋدا. اتاپ ايتقاندا، وسى ۆاليۋتادا پيلوتتىق جوباعا قاتىساتىن مەملەكەتتىك ورگانداردا مەملەكەتتىك ساتىپ الۋلارعا قاتىسۋ بويىنشا تولەمدەر مەن الەۋمەتتىك جاردەماقىلار تولەۋ كوزدەلگەن.
الايدا، بۇل سيفرلىق اقشاعا جاپپاي جانە ءماجبۇرلى تۇردە اۋىسۋدىڭ بەلگىسى ەمەس. سيفرلىق تەڭگە قولما-قول اقشامەن، مونەتالارمەن جانە بانكنوتتارمەن، سونداي-اق بانكتىك شوتتارداعى قولما-قول اقشاسىز اقشامەن قاتار ۇلتتىق ۆاليۋتانىڭ ءۇشىنشى نىسانعا اينالماق. سونىمەن قاتار سيفرلىق تەڭگەنى قولما-قول اقشاعا نەمەسە قولما-قول اقشاسىز اقشاعا ايىرباستاۋ وڭاي بولادى. ال سيفرلىق تەڭگەدەگى شوتتارعا پايىزدىق سىياقى تولەنەدى.
سيفرلىق ۆاليۋتاداعى بارلىق شوتتار ورتالىق بانكتىڭ باقىلاۋىندا، ال ءاربىر ترانزاكسيا قاداعالانادى دەگەن پىكىرلەر جالعان. ق ر ۇلتتىق بانكىنىڭ سايتىندا سيفرلىق ۆاليۋتاداعى تولەمدەر ق ر زاڭناماسىنا سايكەس تولەم قىزمەتتەرىن تۇتىنۋشىلاردىڭ قۇقىقتارىن قورعاۋ جونىندەگى بارلىق نورمالارعا سايكەس كەلەتىنى ايتىلعان.
دەمەك، تارالعان اقپارات جالعان. قازاقستاندا سيفرلىق اقشاعا جاپپاي ءماجبۇرلى تۇردە كوشۋ قاراستىرىلماعان.