سيفرلى ەكوجۇيەنى قالىپتاستىرۋ قاجەت. بۇل تۋرالى مەملەكەت باسشىسى قاسىم-جومارت توقايەۆ ۇلتتىق قۇرىلتايدىڭ ءۇشىنشى وتىرىسىنداعى سوزىندە ايتتى، دەپ حابارلايدى اقوردانىڭ باسپا ءسوز قىزمەتى.
مەن جاقىندا «قازاقستان تەمىر جولى» كومپانياسىنىڭ يننوۆاسيا ورتالىعىندا بولدىم. ورتالىق قىزمەتىنىڭ ارقاسىندا ەڭبەك ونىمدىلىگىن ارتتىرۋعا، شىعىنداردى ازايتۋعا مۇمكىندىك بەتەتىن وزىق تەحنولوگيا وسى سالاعا ەنگىزىلىپ جاتىر. بۇل جۇمىسقا ەلىمىزدىڭ جانە شەتەلدىڭ بىلىكتى IT-ماماندارى جۇمىلدىرىلدى. تەمىر جولدىڭ وتكىزۋ قابىلەتىنىڭ ارتۋى، جانار-جاعار مايدىڭ ۇنەمدەلۋى جانە كومپانيا تابىسىنىڭ كوبەيۋى – سيفرلاندىرۋ ءىسىنىڭ ناقتى ءارى كوزگە كورىنەتىن ناتيجەسى. سيفرلى ەكوجۇيەنى وسىلاي قالىپتاستىرۋ كەرەك. ۇكىمەت وسى جۇمىستىڭ اۋقىمىن كەڭەيتىپ، ونى ەكونوميكانىڭ بارلىق سالاسىنا ەنگىزۋگە ءتيىس – دەدى توقايەۆ.