سەمەي قالاسىنىڭ اكىمى بولىپ تالعات مۇراتوۆ تاعايىندالدى. ول بۇعان دەيىن بەسقاراعاي اۋدانىنىڭ اكىمى قىزمەتىن اتقارعان. بۇرىن بۇل قىزمەتتى نۇربول نۇرساعاتوۆ اتقارعان، دەپ حابارلايدى aqshamnews.kz
اكىم اۋىستىرۋ شەشىمى قالالىق شىرشانى بەزەندىرۋ كەزىندە ورىن العان داۋ-دامايدان كەيىن قابىلداندى. بەزەندىرۋ جۇمىستارىنا مۇعالىمدەر قاتىستىرىلىپ، ولاردىڭ ءبىرى جاراقات العان. بۇل جاعداي قوعامدا ۇلكەن رەزونانس تۋدىردى. وقۋ-اعارتۋ ءمينيسترى اسحات ايماعامبەتوۆ بۇل وقيعاعا پىكىر ءبىلدىرىپ، مۇعالىمدەردى ءوز مىندەتىنە جاتپايتىن جۇمىستارعا تارتۋعا قاتاڭ تىيىم سالىنعانىن ەسكە سالدى. مينيستر مۇنداي ارەكەتتەر ءبىلىم بەرۋ سالاسىنىڭ قىزمەتكەرلەرىنىڭ قۇقىقتارىن بۇزاتىنىن اتاپ ءوتتى.