شىرشا سىزدەن، العىس بىزدەن

الماتىداعى حايۋاناتتار باعى تۇرعىندارعا جاڭا جىلدىق مەرەكەدەن كەيىن قالعان شىرشالاردى قوقىسقا تاستاماۋدى وتىنەدى.

ولار كوپشىلىكتەن جاسىل جەلەكتى زووباققا وتكىزۋلەرىن سۇراپ وتىر، دەپ حابارلايدى Almaty-akshamy.kz.

ويتكەنى تابيعي شىرشالاردى بۇعى، تۇيە مەن ەشكىلەر ءسۇيسىنىپ جەسە، وزگە جان-جانۋارلار ءۇشىن تابيعي ورتانى سەزىنۋ ءۇشىن ماڭىزدى. ازىرگە ءبىر اپتادا بىرنەشە وتباسى شىرشالاردى اكەلىپ وتكىزگەن ەكەن. زووباق قىزمەتكەرلەرى قالالىقتاردىڭ ەسكى جاڭا جىلدان كەيىن شىرشالاردى كوپتەپ وتكىزەتىنىن كۇتىپ وتىر.

«بۇل ارينە ءبىرىنشى جىل ەمەس، 3-4 جىل بۇرىن باستالعان سونداي ءىس-شارالارىمىز. تەك قانا شىرشا ەمەس، كۇزدە ەمەن جاڭعاعىن دا قابىلدايتىن، سونداي ءىس شارالارىمىز بار. قالا تۇرعىندارىنان جانە بىزگە كەلىپ جاتقان قوناقتاردان سۇرايمىز. سونى قوقىستارعا تاستاماي، ءبىزدىڭ باققا اكەلىپ، ءبىزدىڭ مالدارىمىزعا سونىمەن ويناتۋعا، سولاردىڭ ارومات يىستەرىن سەزۋگە تابيعي جاعدايعا كەلتىرۋگە بىزگە اكەپ تاستاسا ەكەن دەگەن سۇرانىسىمىز بار»، - دەيدى «الماتى حايۋاناتتار باعى» تۇياقتىلار ءبولىمىنىڭ مەڭگەرۋشىسى بالابەك ماقاتوۆ.