شىمكەنتتىڭ ەكس-اكىمى وزىنە قاتىستى قىلمىستىق ءىس قوزعالدى دەگەن اقپاراتقا پىكىر ءبىلدىردى

ماعان بىرەۋ "تاپسىرىس" بەرگەن سياقتى

شىمكەنتتىڭ بۇرىنعى اكىمىنە  قۇقىق قورعاۋ ورگاندارىنان ەشقانداي حابارلاما كەلمەگەن، دەپ حابارلايدى Almaty-akshamy.kz وrda.kz-كە سىلتەمە جاساپ.

«شىنىمدى ايتسام، ەشقانداي ءىس تۋرالى حابارىم جوق. ەشكىم ەشقايدا شاقىرعان جوق، ماعان ەسكەرتپەدى. الەۋمەتتىك جەلىدە جازىلعاندار بوس ءسوز. بۇعان مەنىڭ ەش قاتىسىم جوق. بۇل نە ءۇشىن جاسالعانىن بىلمەيمىن. ول ادام (ارىز جازعان – اۆت.) – قاراپايىم كاسىپكەر، قازاقستاندا وندايلار كوپ. مەن كوپ كاسىپكەردى بىلەمىن. ءبىراق ول اداممەن ەشقانداي قاتىسىم بولعان ەمەس. ونىمەن مۇلدەم بايلانىستا بولعان جوقپىن. ارينە، ءومىر بويى، دالىرەك ايتساق، 22 جىل مەملەكەتتىك قىزمەتتە بولدىم. مەن دە باسقالار سياقتى بۇل بيزنەسمەندەردى مەملەكەتتىك قىزمەتكەر رەتىندە عانا ءبىلۋىم مۇمكىن»، – دەدى ءابدىراحىموۆ.

سونداي-اق، ول اۋىر قىلمىس جاسادى دەپ ايىپتاۋ "ءوز الدىنا قىلمىس ەكەنىن" اتاپ ءوتتى.

«نەگە ادامدار مۇندايعا جول بەرەدى. بۇل اقپاراتتى جاريالاعان كوزاچكوۆ مىرزا ماعان حابارلاسپادى. كەشە باس پروكۋراتۋرا دا اقپاراتتى تەرىسكە شىعاردى. ءبىراق ولار ءالى تىنىشتالماي وتىر. ماعان بىرەۋ "تاپسىرىس" بەرگەن سياقتى. ءبىراق مۇنىڭ نە ءۇشىن جاسالىپ جاتقانىن بىلمەيمىن»، – دەپ قوستى ەكس-اكىم.

ءابدىراحىموۆ ءقازىر نۇر-سۇلتاندا تۇراتىنىن، كاسىپكەرلىكپەن جانە جوبالارمەن اينالىسىپ جاتقانىن ايتتى.

ايتا كەتۋ كەرەك، كەشە پوليسيا شىمكەنتتىڭ ەكس-اكىمى عابيدوللا ءابدىراحىموۆ پەن ق ر ۇقك بۇرىنعى ءتوراعاسى كارىم ماسىموۆكە قاتىستى قىلمىستىق ءىستىڭ قوزعالعانىن راستاعان بولاتىن. حابارلامادا قىلمىستىق دەرەك بويىنشا ءىس جۇرگىزۋدى الماتى قالاسى پد تەرگەۋ باسقارماسى جۇزەگە اسىراتىنى ايتىلعان.