شىمكەنت – نۇر-سۇلتان باعىتىنداعى ۇشاقتان تەحنيكالىق اقاۋ شىعىپ، اۋەجايعا كەرى قايتۋىنا تۋرا كەلدى، دەپ حابارلايدى Almaty-akshamy.kz Inform.kz-كە سىلتەمە جاساپ.
«9 شىلدە كۇنى شىمكەنت – نۇر-سۇلتان باعىتى بويىنشا اك ا320-دا كس 342 رەيسىنىڭ بيىككە كوتەرىلۋ كەزىندە تەحنيكالىق سەبەپكە بايلانىستى سول جاق قوزعالتقىش ىستەن شىققان. ەكيپاج ءتيىستى راسىمدەردى ورىنداپ، جاعدايدى باقىلاۋعا الدى. وسىلايشا شىمكەنت اۋەجايىنا ورالۋ جونىندە شەشىم قابىلدادى»، - دەلىنگەن حابارلامادا.
اقپاراتتا ايتىلعانداي ۇشاقتىڭ قايتا قونۋى ەسكەرتۋسىز ورىندالدى. سونداي-اق، رەسمي اقپاراتتا ق ر يندۋستريا جانە ينفراقۇرىلىمدىق دامۋ مينيسترلىگىنىڭ كولىكتەگى وقيعالار مەن ينسيدەنتتەردى تەكسەرۋ دەپارتامەنتىمەن بىرلەسىپ تەرگەۋ جۇرەتىنى ايتىلعان.
اتالعان رەيس جولاۋشىلارى FlyArystan مەن Air Astana-نىڭ جاقىن اراداعى تىكەلەي رەيستەرىنە وتىرعىزىلادى.