شىمكەنتتە جەكەمەنشىك مەكتەپ اشقان ديرەكتور جان باسىنا قارجىلاندىرۋ باعدارلاماسى ارقىلى جالعان ەسەپ جۇرگىزىپ، بيۋجەت قارجىسىن قالتاعا باسقان، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
2019-2020 وقۋ جىلىندا مىڭداعان وقۋشىنى تىركەپ، جەڭىل جولمەن اقشا تاپقىسى كەلگەندەردىڭ قاتارىندا ءبىلىم باسقارماسىنىڭ ەكى قىزمەتكەرى بار. ولاردىڭ ءبىرى ءوز ىسىنە سالعىرتتىق تانىتسا، ەكىنشىسى جەمقورلىققا جول بەرگەنى ءۇشىن 3 جىلعا سوتتالدى.
ال جەكەمەنشىك مەكتەپتىڭ قۇرىلتايشىسى 6 جىلعا باس بوستاندىعىنان ايىرىلدى. ءال-فارابي اۋداندىق سوتى مەملەكەت قازىناسىنا 123 ميلليون تەڭگە شىعىن كەلگەنىن ايتادى.
«ايكوزوۆ ءبىلىم باسقارماسىنىڭ باس مامانى بولا تۇرا، دۇيسەنقىزىنان 2 ملن تەڭگە پارا العان. وقىماعان وقۋشىلارعا وقىدى دەپ قول قويعان. ال ءبىلىم باسقارماسى باسشىسىنىڭ ورىنباسارى تەكەبايەۆاعا ۇكىم سالعىرتتىق بابى بويىنشا شىقتى. ياعني سالعىرتتىق قك 371 بابى بويىنشا»،-دەدى
ءال-فارابي اۋداندىق سوتىنىڭ ءتوراعاسى ەركەبۇلان تولەشوۆ.