جارىلىس قۇرىلىس جۇمىسى كەزىندە بولعان
شىمكەنتتە توعىز قاباتتى ۇيدە جارىلىس بولىپ، جۇمىسشى جاراقات الدى، دەپ حابارلايدى Almaty-akshamy.kz.
قالالىق تجد باسپا ءسوز قىزمەتىنىڭ مالىمەتىنشە، جارىلىس كۇندىزگى ساعات 16:27-دە جەلتوقسان كوشەسىندەگى كوپ قاباتتى ۇيدە بولعان. وقيعا ورنىنا جەتكەن ءورت سوندىرۋشىلەر جارىلىستىڭ 1-قاباتتاعى دۇكەننىڭ ىشىندە قۇرىلىس جۇمىسى كەزىندە بولعانىن انىقتاعان. گاز اۋا قوسپاسىنىڭ جارىلىسى سالدارىنان 10 شارشى مەتر اۋماقتا پلاستيكالىق قۇبىر جانعان.
توتەنشە وقيعا كەزىندە 11 ءورت ءسوندىرۋشى مەن 2 تەحنيكا، اپاتتار مەديسيناسى ورتالىعى فيليالىنىڭ 1 بريگاداسى جۇمىلدىرىلدى.
«جارىلىس سالدارىنان 2002 جىلى تۋعان ەر ادام جاراقات الىپ، اۋرۋحاناعا جاتقىزىلدى. ءورت ساعات 17:02-دە وقشاۋلانىپ، ساعات 17:18-دە تولىعىمەن ءسوندىرىلدى. ءورتتىڭ شىعۋ سەبەبى انىقتالۋدا»، - دەلىنگەن حابارلامادا.