بۇگىن تۇركىستان وبلىسى شىمكەنت قالاسى اكىمشىلىگىندە وتكەن اپپاراتتىق جيىن وتە ەرەكشە ءوتتى. وعان تۇرعىن ءۇي باسقارماسى باسشىسىنىڭ مىندەتىن اتقارۋشىسىنىڭ جۇمىسى سەبەپ بولعان.
ءدال وسى جيىن بارىسىندا باسقارما باستىعىن انتيكور قىزمەتكەرلەرى قولىنا كىسەن سالىپ الىپ كەتتى، دەپ حابارلايدى اlmaty-akshamy.kz.
سونىمەن جيىننىڭ شىرقىن كەتىرگەن مومىنوۆ ازات 1982 جىلى وڭتۇستىك قازاقستان وبلىسى تۇلكىباس اۋدانىندا دۇنيەگە كەلگەن. م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىندە وقىعان. ەڭبەك جولىن وڭتۇستىك قازاقستان وبلىسىندا باس مامان بولىپ باستاعان. ودان كەيىن وبلىس اكىمى اپپاراتىنىڭ قارجى ءبولىمىنىڭ باس مامانى، ىشكى باقىلاۋ ءبولىمىنىڭ ريەۆيزورى، مەملەكەتتىك ساتىپ الۋ باسقارماسىنىڭ باسشىسى، مەملەكەتتىك كىرىستەر باسقارماسىنىڭ باسشىسى، مەملەكەتتىك باسقارمالاردىڭ باسشىسى قىزمەتتەرىن اتقاردى. تولەبي اۋداندىق مۇراعات جانە دايىنداۋ، تۇرعىن ۇي-كوممۋنالدىق شارۋاشىلىعى، جولاۋشىلار كولىگى جانە اۆتوموبيل جولدارى ءبولىمى باستىعىنىڭ ورىنباسارى قىزمەتىن اتقاردى.
2022 جىلدىڭ ءساۋىر ايىنان – ءبولىم باسشىسى، 2022 جىلدىڭ قازان ايىنان – شىمكەنت قالاسىنىڭ تۇرعىن ۇي-كوممۋنالدىق شارۋاشىلىق ءبولىمى باسشىسىنىڭ ورىنباسارى بولعان.
ەسكە سالا كەتسەك، بۇعان دەيىندە وبلىستا بىرنەشە مەملەكەتتىك قىزمەتكەرلەر انتيكور قىزمەتكەرلەرىنىڭ نازارىنا ىلىگىپ، ءتۇرلى جازالار العان بولاتىن. سونىمەن، شىمكەنت قالالىق جولاۋشىلار كولىگى جانە اۆتوموبيل جولدارى باسقارماسىنىڭ ەكس-باسشىسى مۇحتار قوقانبايەۆ مەگاپوليستىڭ الەۋمەتتىك ماڭىزدى باعىتتارىندا جولاۋشىلار تاسىمالىن سۋبسيديالاۋعا جاردەمدەسكەنى ءۇشىن ج ش س وكىلىنەن 13 ميلليون تەڭگە الۋ كەزىندە سىبايلاس جەمقورلىققا قارسى قىزمەت ۇستاعان. شىمكەنت قالاسى سوتىنىڭ قىلمىستىق ىستەر جونىندەگى سوت القاسى ونى 3،5 جىل مەرزىمگە باس بوستاندىعىنان ايىردى.
سونداي-اق، شىمكەنت قالاسى اكىمىنىڭ ورىنباسارى ماقسۇت يساحوۆ ۇلتتىق قاۋىپسىزدىك كوميتەتىن 200 مىڭ دوللارعا ساتىپ الماق بولعان. ال انتيكوردىڭ نازارى ىلىككەن شىمكەنت قالالىق جۇمىسپەن قامتۋ ورتالىعىنىڭ باسشىسى اسەت شاعاداتقا قاتىستى ءىس تەرگەۋ ۇستىندە. ازىرشە ول قاماۋعا الىنعان.