مۇسىنشىلەر ەسكەرتكىشتىڭ بىرنەشە نۇسقاسىن ۇسىنعان.
شىمكەنتتە مەملەكەت قايراتكەرى وزبەكالى جانىبەكوۆكە ەسكەرتكىش قويىلادى، ، دەپ حابارلايدى Almaty-akshamy.kz اikyn.kz-گە سىلتەمە جاساپ.
ەسكەرتكىش قويلاتىنى تۋرالى شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقاننىڭ Facebook جەلىسىندە جازعان.
ونىڭ جازۋىنشا، وزبەكالى جانىبەكوۆكە شىمكەنتتەن ەسكەرتكىش ورناتۋ ءۇشىن بايقاۋ جاريالانعاننان كەيىن مۇسىنشىلەر ءبىرقاتار نۇسقالار ۇسىنعان. الايدا بۇل نۇسقالاردى قالالىق اكىمدىكتە ارنايى كوميسسيادا قاراپ شىققان سوڭ، شىڭعىس مۇقان وزبەكالى جانىبەكوۆتىڭ بالاسى باۋىرجانعا حابارلاسقانىن ايتتى. ول كىسى بەلگىلى ءمۇسىنشى تىلەۋبەردى بيناشيەۆكە تاپسىرىس بەرىپ، ەسكەرتكىشتىڭ ءبىر نۇسقاسىن دايىنداتىپ قويعان.
«ەسكەرتكىشتىڭ تۇعىردا تۇرعانىن قالامايمىن. جوعارىدان تومەنگە قاراپ. ەسكەرتكىشتىڭ بيىك مىنبەردە وتىرعانىن قالامايمىن. ول كىسى حالىقتىڭ اراسىندا بولعان. كورىسەم دەسە دە، كەزدەسەم دەسە دە، كەز كەلگەن ادامنىڭ قولى جەتكەن. سوندىقتان، ەسكەرتكىش ادامنىڭ بويىنداي بولىپ جاسالىپ، حالىق كوپ جۇرەتىن ءبىر ساياباققا قويۋدى ۇسىنامىن»، – دەگەن باۋىرجان وزبەكالى ۇلى.
شىڭعىس مۇقان ەسكەرتكىشتى جۇرگىنشى جولداعى ورنەكتاستىڭ ۇستىنە قويعان دۇرىس دەپ سانايدى.
«ەڭسەلى ەسكەرتكىشتەردى تۇعىردا نەمەسە يا تاق، يا ات ۇستىندە كورىپ ۇيرەنىپ قالعان سانامىز جاڭا كوزقاراستى ءا دەگەننەن قابىلداي قويمادى. ەرتەڭ بارىپ ءوزاعاڭنىڭ ەسكەرتكىشىن جۇرگىنشى جولداعى ورنەكتاستىڭ ۇستىنە قويا سالساق، ءبىرازعا دەيىن گۋ-گۋگە ارقاۋ بولۋى مۇمكىن. ءبىراق كۇن وتكەن سوڭ، جاڭالىق قابىلدانىپ، ەرەكشەلەنىپ تۇرماق. وزبەكالى جانىبەكوۆتىڭ ەسكەرتكىشى سونىسىمەن قۇندى بولماق دەپ ويلايمىن»، – دەپ جازدى شىڭعىس مۇقان.