جكو تاپا-تال تۇستە رىسقۇلوۆ پەن قازييەۆ كوشەلەرىنىڭ قيىلىسىندا بولدى. "Alphard" باسقارعان ماس ەر ادام باعدارشامدى سوعىپ، كەيىن ارتىمەن ءجۇرىپ، جول ۇستىندە كەلە جاتقان Toyota Camry كولىگىمەن سوقتىعىسقان.
اپات جبو كامەرالارىنا ءتۇسىپ قالعان. بەينەباقىلاۋ ينسپەكتورلارى وقيعا ورنىنا پاترۋلدىك اۆتوەكيپاجدى جولدادى. ءوزىن ءبىرتۇرلى ۇستاعان جۇرگىزۋشىنى ءتارتىپ ساقشىلارى الكوگول تۇتانۋىن تەكسەرۋ ءۇشىن مەديسينالىق كۋالاندىرۋدان ءوتۋىن سۇرادى. جاۋابىندا قۇقىق بۇزۋشى ءوز ارەكەتىن “مەن تەك قىمىز ءىشتىم” دەگەن سوزدەرمەن اقتاۋعا تىرىستى. ونىڭ ورتاشا ماساڭ كۇيدە بولعانى انىقتالدى.
قالا تۇرعىنى مۇنداي جاعدايدا رولگە ءبىرىنشى رەت وتىرماعانى بەلگىلى بولدى. ول 1،5 جىل بۇرىن ق ر اقبتك-نىڭ 608-بابى بويىنشا جۇرگىزۋشى كۋالىگىنەن ايىرىلعان.
ءقازىر ازاماتقا قاتىستى قىلمىستىق كودەكستىڭ بابى بويىنشا تەرگەۋ جۇرگىزىلىپ جاتىر. ول وزگەنىڭ كولىگى مەن جول قۇرىلىسجايىن بۇلدىرۋگە الىپ كەلگەن كولىك قۇرالىن باسقارۋ قۇقىعىنان ايىرىلا تۇرىپ، ماساڭ كۇيدە تىزگىندەگەنى ءۇشىن بىرنەشە جىلعا باس بوستاندىعىنان ايىرىلۋى مۇمكىن.