الماتىدا “ءجاسوسپىرىم” جەدەل-پروفيلاكتيكالىق ءىس-شاراسى اياسىندا مەدەۋ اۋداندىق پوليسيا باسقارماسىنىڭ قىزمەتكەرلەرى پۋشكين كوشەسىنىڭ بويىنداعى اللەيانى ارالاۋ كەزىندە شىمكەنت قالاسىندا ءىز-تۇزسىز جوعالعاندار تىزىمىندە تۇرعان 16 جاستاعى قىزدى انىقتادى، دەپ حابارلايدى aqshamnews.kz Polisia.kz-كە سىلتەمە جاساپ.
— كامەلەتكە تولماعان قىز، الماتىعا اتا-اناسىنىڭ حابارىنسىز ءوز بەتىمەن كەلگەنىن ايتتى. پوليسيا، دەرەۋ ونىڭ قاۋىپسىزدىگىن قامتاماسىز ەتۋ شارالارىن قابىلدادى - قىز بالا زاڭدى وكىلدەرى كەلگەنشە قيىن جاعدايداعى بالالاردى قولداۋ ورتالىعىنا ۋاقىتشا ورنالاستىرىلدى، - دەدى مەدەۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.
الدىن الۋ جىلى اياسىندا الماتى پوليسياسى كامەلەتكە تولماعانداردىڭ قۇقىقتارىن انىقتاۋ جانە قورعاۋ جۇمىستارىن كۇشەيتتى. قىزدىڭ اتا-اناسىمەن جانە تۋىستارىمەن تۋىستىق بايلانىستاردى نىعايتۋعا جانە قايتالاپ رۇقساتسىز كەتۋ جاعدايلارىنىڭ الدىن الۋعا باعىتتالعان جەكە پروفيلاكتيكالىق جۇمىستار جۇرگىزىلەتىن بولادى. الماتى پوليسياسى كامەلەتكە تولماعانداردىڭ مۇددەسىن قورعاۋ جانە بالالاردىڭ قاۋىپسىزدىگىن قامتاماسىز ەتۋ بويىنشا كەشەندى جۇمىستى جالعاستىرادى.