شىمكەنت قالاسىندا قىزدى ءولتىرىپ جانە ونىڭ مۇلكىن ۇرلاعانى ءۇشىن كامەلەتكە تولماعان ءجاسوسپىرىم 7 جىل 6 ايعا باس بوستاندىعىنان ايىرىلدى، دەپ حابارلايدى Aqshamnews.kz ءتىلشىسى.
باسپا ءسوز قىزمەتىنىڭ، مالىمەتىنشە، قىلمىستىق ءىس شىمكەنتتىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا جابىق تۇردە قارالعان. تەرگەۋ ماتەريالدارىنا سايكەس، شىلدە ايىندا ءجاسوسپىرىم Telegram ارقىلى ءۇي جيناۋعا كومەكشى ىزدەيتىن حابارلاندىرۋ جاريالاعان. جابىرلەنۋشى سول كۇنى كەلىپ، تازالىق جۇمىستارىن ورىنداعاننان كەيىن كەلىسىلگەن تولەمىن تالاپ ەتكەن. اقشا تولەۋدەن باس تارتقان ايىپتالۋشى قىزدى ءولتىرىپ، ونىڭ ءموبيلدى تەلەفونىن الىپ كەتكەن.
سوت ءجاسوسپىرىمنىڭ كىناسىن قىلمىستىق كودەكستىڭ 99-بابى (كىسى ءولتىرۋ) جانە 188-بابى (ۇرلىق) بويىنشا تولىق دالەلدەنگەن دەپ تانىدى. ال 314-باپ (ءمايىتتى قورلاۋ) بويىنشا ايىبى دالەلدەنبەگەندىكتەن، ول بۇل باپتان اقتالدى.
جازا تاعايىنداۋ كەزىندە سوت ونىڭ كامەلەتكە تولماعانىن جانە ىستەگەن ىسىنە وكىنىش بىلدىرگەنىن ەسكەرىپ، جەڭىلدەتەتىن ءمان-جاي رەتىندە قاراستىردى. اۋىرلاتاتىن جاعدايلار انىقتالماعان.
ايىپتالۋشى جازاسىن كامەلەتكە تولماعاندارعا ارنالعان ورتا قاۋىپسىزدىك دەڭگەيىندەگى ۋيس مەكەمەسىندە وتەيتىن بولادى. ۇكىم ءالى زاڭدى كۇشىنە ەنگەن جوق.