قاشىپ كەتكەن ەكى ءجاسوسپىرىم قىز ىزدەستىرىلىپ جاتىر.
شىمكەنتتەگى №3 بالالار ءۇيىنىڭ ەكى تاربيەلەنۋشىسى جوعالىپ كەتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
پوليسيا قالادا جوعالىپ كەتكەن ەكى بالالار ءۇيىنىڭ تاربيەلەنۋشىسى ۆيولا سۋرۆيلوۆا مەن اناستاسيا كوسيانەنكونىڭ ىزدەستىرىلىپ جاتقانىن ناقتىلادى. ەكى قىز 14، 15 جاستا. ولار 16 اقپان كۇنى كەشكە قاراي بارحاتنايا كوشەسىندەگى بالالار ۇيىنەن شىعىپ كەتىپ، قايتا ورالماعان.
اناستاسيانىڭ شاشى اشىق ءتۇستى، قوڭىر كوزدى، بويى شامامەن 165-170 سم. كوك جەيدە، قارا شالبار كيگەن، اياعىندا اشىق جاسىل ءتۇستى كروسسوۆكا بولعان.
ۆيولانىڭ شاشى قارا، قوڭىر كوزدى. كلەتكالى قىزىل كۇرەڭ جەيدە، قارا شالبار، اق كروسسوۆكا كيگەن.
«ىزدەۋ جۇمىستارىنا ەرىكتىلەر دە قوسىلدى. فوتوسۋرەتتەرى الەۋمەتتىك جەلىلەرگە تاراتىلدى. ءجاسوسپىرىم قىزداردى كورگەندەر نەمەسە ولاردىڭ قايدا ەكەنىن بىلەتىن ادامدار 102 نومەرىنە نەمەسە 8777 679 18 24 ءموبيلدى تەلەفون نومەرىنە حابارلاسۋىنا بولادى» دەلىنگەن حابارلامادا.
