جانساقتاۋ شارالارىنا قاراماستان، تاعى ءبىر ادام العان جاراقاتىنان كوز جۇمدى.
شىمكەنتتە جۇرگىزۋشىسى جوق اۆتوبۋس قاعىپ كەتكەن تاعى ءبىر ادام قايتىس بولدى، دەپ حابارلايدى اlmaty-akshamy.kz.
جانساقتاۋ شارالارىنا قاراماستان، تاعى ءبىر ادام العان جاراقاتىنان كوز جۇمدى. وسىلايشا، قۇرباندار سانى 5 ادامعا جەتتى. بۇل تۋرالى شىمكەنت قالالىق دەنساۋلىق ساقتاۋ باسقارماسىنان حابارلادى.
تاعى ءبىر 18 جاستاعى قىز قالالىق كلينيكالىق اۋرۋحانادا جاتىر. دارىگەرلەردىڭ ايتۋىنشا، زارداپ شەگۋشى نەيروحيرۋرگيا بولىمشەسىندە ەم قابىلداپ جاتىر، جاعدايى تۇراقتى.
ەسكە سالايىق، سەنبى، 8 ءساۋىر كۇنى بايتەرەكوۆ-نازاربەكوۆ كوشەلەرىنىڭ قيىلىسىندا جۇرگىزۋشىنىڭ باسقارۋىنسىز قالعان اۆتوبۋس بوكتەرمەن تومەن قاراي ءجۇرىپ كەتىپ، قاتتى جىلدامدىقپەن 6 ادامدى قاعىپ كەتكەن بولاتىن. ءۇش ادام وقيعا ورنىندا، تاعى ەكەۋى اۋرۋحانادا كوز ءجۇمدى. ءبىر بويجەتكەن امان قالدى، ءقازىر ول دارىگەرلەردىڭ باقىلاۋىندا.