تۇركىستان وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى جەدەل-ىزدەستىرۋ ءىس-شارالارى بارىسىندا، اسا ءىرى مولشەردەگى ەسىرتكىنى زاڭسىز تاسىمالداۋ فاكتىسىنىڭ جولىن كەستى.
ناقتىراق ايتساق، پوليسيا قىزمەتكەرلەرى باتىس جۇڭگو – باتىس ەۋروپا تراسساسىنىڭ 601-شاقىرىمىندا Ford Focus اۆتوكولىگىن توقتاتتى. جەدەل ۋاكىلدەر كولىكتىڭ جۇك سالعىشىنان جولاۋشىعا تيەسىلى ىشىندە ەسىرتكىگە ۇقساس زاتى بار 5 قاپتى تاۋىپ، تاركىلەدى.
الىنعان زاتتار ساراپتاماعا جىبەرىلدى. ونىڭ قورىتىندىسىنا سايكەس تاركىلەنگەن زات سالماعى 80 كەلىگە جۋىق ماريحۋانا ەسىرتكىسى ەكەنى انىقتالدى. كۇدىكتى بۇرىن ەسىرتكى ساقتاعانى ءۇشىن سوتتالعان شىمكەنت قالاسىنىڭ تۇرعىنى بولىپ شىقتى.
قازىرگى ۋاقىتتا وسى فاكتى بويىنشا قىلمىستىق ءىس قوزعالدى. كۇدىكتى قاماۋعا الىندى. تەرگەۋ جۇرگىزىلىپ، بارلىق جاعدايلار انىقتالىپ جاتىر.