بۇل ءىس-شارا "قازگيدرومەتتىڭ" ۇسىنىسىمەن دەمالۋشىلاردىڭ قاۋىپسىزدىگىن قامتاماسىز ەتۋ ماقساتىندا جاسالدى.
الماتىدا «شىمبۇلاق» تاۋ-شاڭعى كەشەنىنىڭ اۋماعىندا 35 000 تەكشە مەتر قار ماسساسى ءتۇسىرىلدى، دەپ حابارلايدى Almaty-akshamy
الماتى قالالىق توتەنشە جاعدايلار دەپارتامەنتىنىڭ مالىمەتىنشە، «شىمبۇلاق» تشك-دا «Avalanheur» پنيەۆماتيكالىق قوندىرعىسى ارقىلى «№26» جانە «شكولنيك» قار كوشكىنىن جيناۋ ۋچاسكەلەرىندە قار ماسساسىنىڭ 7 الدىن الۋ ءتۇسىرىلىمى وتكىزىلدى.
«بۇل ءىس-شارا "قازگيدرومەتتىڭ" ۇسىنىسىمەن دەمالۋشىلاردىڭ قاۋىپسىزدىگىن قامتاماسىز ەتۋ ماقساتىندا جاسالدى. «شىمبۇلاق» تشك اۋماعىندا جۇرگىزىلگەن جۇمىستاردىڭ ناتيجەسىندە 35 000 تەكشە مەتر قار ماسساسى ءتۇسىرىلىپ، قازىرگى تاڭدا وسى ۋچاسكەلەردەگى جاعدايى تۇراقتى، ءقاۋىپ توندىرمەيدى»،- دەپ مالىمدەدى قالالىق تجد.
قار ماسساسىن تۇسىرۋگە «شىمبۇلاق» تشك قىزمەتكەرلەرى، الماتى قالالىق تجد، «قازسەلدەنقورعاۋ»، گەوگرافيا ينستيتۋتىنىڭ ماماندارى قاتىستى. الدىن الۋ جۇمىستارىن جۇرگىزۋ بارىسىندا ەشكىم زارداپ شەككەن جوق. ايتا كەتەيىك، قازىرگى ۋاقىتتا كىشى جانە ۇلكەن الماتى وزەن الاپتارىندا قار كوشكىنى قاۋپىنە اۆتوماتتاندىرىلعان مونيتورينگ ەنگىزۋ جۇمىستارى جۇرگىزىلۋدە.
بۇل جۇيە ءاربىر كوشكىن ءقاۋپى بار ۋچاسكەلەرگە ناقتى ۋاقىت رەجيمىندە مونيتورينگ جۇرگىزۋگە جانە تاۋلاردا بارىنشا ءدال جانە ءتيىمدى قاۋىپسىزدىك شارالارىن قابىلداۋعا مۇمكىندىك بەرەدى. سونىمەن قاتار، قازگيدرومەت مالىمەتى بويىنشا تاۋلى اۋدانداردا جاۋىن-شاشىننىڭ ءتۇسۋى جانە قار جامىلعىسىنىڭ تۇراقسىز جاعدايى سالدارىنان قار كوشكىنىنىڭ وزدىگىنەن ءتۇسۋى مۇمكىن. وسىعان بايلانىستى، الماتى قالالىق تجد قار كوشكىنىنىڭ ىقتيمال تۇسۋىنە بايلانىستى الماتىلىقتارعا تىك قارلى بەتكەيلەرگە شىقپاۋدى ەسكەرتتى.