قالالىق كوممۋنالدىق قىزمەتتەر شىمبۇلاقتاعى قاردى تازالاۋدا، دەپ حابارلايدى Almaty-akshamy.kz
تج بويىنشا جەدەل كەزەكشىنىڭ دەرەكتەرى بويىنشا جەتىسۋ جانە تۇركسىب اۋداندارىندا جەكە تۇرعىن ءۇي سەكتورىنىڭ اۋلا اۋماقتارىن 2 سۋ باسۋ تىركەلدى. سۋ سورىلدى. ارىق وتكەلدەرىنىڭ كەپتەلۋىنىڭ قالعان جاعدايلارىن جەرگىلىكتى جەرلەردە پاترۋلدىك بريگادالار جويادى.
ارىق جەلىلەرى ارقىلى سۋدىڭ كەدەرگىسىز ءوتۋىن قامتاماسىز ەتۋ ماقساتىندا تۇنگى اۋىسىمعا 34 كەزەكشى بريگادا، 114 بىرلىك تەحنيكا، 23 موتوپومپا، 115 جول جۇمىسشىسى جۇمىلدىرىلدى. تاڭەرتەڭگى ساعات 8-دەن باستاپ جولدارعا 38 كەزەكشى بريگادا، 166 بىرلىك ارنايى تەحنيكا، 23 موتوپومپا جانە 468 جول جۇمىسشىسى شىقتى.
شىمبۇلاققا قاردىڭ تۇسۋىنە بايلانىستى كوكتايعاققا قارسى ماتەريالدار سەبىلىپ، بۇرىنعى ەكوپوستتان شىمبۇلاققا دەيىنگى ۋچاسكەدە جول قاردان تازالانىپ جاتىر. جول قوزعالىسىن شەكتەۋ ءۇشىن جول پوليسياسى بەكەتى قويىلدى.
"سەلقورعاۋ" مم دەرەكتەرى بويىنشا الماتى وزەندەرىندەگى سۋ دەڭگەيى قالىپتى جاعدايدا.
اۋدان اكىمدىكتەرىندە جۇمىس ءوندىرىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى.