ايۋساي شاتقالىنان جوعارى جانە شىمبۇلاق-ەدەلۆەيس اۆتوجولىندا جولدار جابىق.
الماتى قالاسىنىڭ توتەنشە جاعدايلار دەپارتامەنتى تاۋدا اباي بولۋعا شاقىردى، دەپ حابارلايدى اlmaty-akshamy.kz
الماتى قالاسى توتەنشە جاعدايلار دەپارتامەنتى تاراتقان مالىمەتكە سايكەس، قار كوشكىنى قاۋپىنە بايلانىستى قاۋىپسىزدىكتى قامتاماسىز ەتۋ ماقساتىندا قازىرگى ۋاقىتتا ۇلكەن الماتى جانە كىشى الماتى كولى مەن شىمبۇلاققا باراتىن جولدار جابىلىپ، بەكەتتەر قويىلدى.
«ۇلكەن جانە كىشى الماتى وزەندەرىنىڭ القاپتارىندا ايتارلىقتاي جاۋىن-شاشىننىڭ تۇسۋىنە جانە قار جامىلعىسىنىڭ تۇراقسىز جاي-كۇيىنە بايلانىستى 2 ەكيپاج پوليسيا دەپارتامەنتىنىڭ كۇشتەرىمەن حالىق پەن اۆتوكولىكتىڭ قوزعالىسىن شەكتەۋ ءۇشىن (ايۋساي شاتقالىنان جوعارى جانە شىمبۇلاق-ەدەلۆەيس اۆتوجولىندا) (جولدار جابىق) بلوك بەكەتتەر قويىلدى»، - دەپ حابارلادى دەپارتامەنتتەن.
قۇتقارۋشىلار تۇرعىنداردى قار كوشكىنىن تۋدىرماۋ ءۇشىن، تاۋ بەتكەيلەرىنە شىقپاۋعا، سونداي-اق جەكە قاۋىپسىزدىك شارالارىن ساقتاۋعا، تاۋدا جاياۋ سەرۋەندەۋدەن باس تارتۋعا شاقىرادى.