اسپالى جولمەن جالعانادى.
الماتىدا تاۋ كلاستەرىن دامىتۋ جۇمىستارى اياسىندا شىمبۇلاق كۋرورتىن كەڭەيتۋ جانە اسپالى جولداردىڭ سانىن كوبەيتۋ جوسپارلانىپ وتىر، دەپ حابارلايدى aqshamnews.kz تۋريزم جانە سپورت مينيسترلىگىنىڭ باسپا ءسوز قىزمەتىنە سىلتەمە جاساپ.
ۆەدومستۆونىڭ Telegram-داعى ارناسىنىڭ حابارلاۋىنشا، ەلوردادا وتكەن الماتى تاۋ كلاستەرىن دامىتۋ ماسەلەلەرىنە ارنالعان كەزدەسۋ بارىسىندا وڭىردەگى تاۋ شاڭعىسى ءتۋريزمىن دامىتۋ جوباسى تانىستىرىلعان. جوبا بويىنشا: "شىمبۇلاق" كۋرورتىن كەڭەيتۋ جانە ونى "وي-قاراعاي" دەمالىس ايماعىمەن بىرىكتىرۋ؛ اسپالى جولدار سانىن 13-تەن 35-كە دەيىن ارتتىرۋ؛ كۋرورتقا كەلەتىن ءبىر كۇندىك تۋريستەر سانىن 6 مىڭنان 24 مىڭ ادامعا دەيىن كوبەيتۋ؛ تاۋ شاڭعىسى تراسسالارىنىڭ ۇزىندىعىن 41 شاقىرىمنان 90-124 شاقىرىمعا دەيىن ۇزارتۋ؛ جىل سايىنعى تۋريستىك اعىندى 5 ملن ادامعا دەيىن كوبەيتۋ كوزدەلگەن.