قازگيدرومەت سينوپتيكتەرى 13 تامىز، جەكسەنبىگە ارنالعان اۋا رايى بولجامىن جاريالادى.
بۇگىن سولتۇستىك-باتىس انتيسيكلونى قازاقستاننىڭ باتىس جارتىسىنداعى اۋا رايىنا اسەر ەتەدى. سوندىقتان وندا جاۋىن-شاشىن بولمايدى.
ال شىعىس جارتىسىنا ءالى دە وڭتۇستىك سيكلون مەن اتموسفەرالىق فرونتتار ىقپال ەتەدى.
سالدارىنان نايزاعاي ويناپ، جاڭبىر جاۋادى، ەلدىڭ سولتۇستىك-شىعىسىندا، شىعىسىندا، وڭتۇستىك-شىعىسىندا قاتتى جاڭبىر، بۇرشاق جاۋىپ، داۋىل تۇرادى.
رەسپۋبليكا بويىنشا ەكپىندى جەل بولجانادى. ق ر سولتۇستىگىندە، سولتۇستىك-باتىسىندا تۇنگى جانە تاڭەرتەڭگى ساعاتتا تۇمان تۇسەدى.
كۇندىز اتىراۋ وبلىسىنىڭ وڭتۇستىك-باتىسىندا 41°س قاتتى ىستىق ساقتالادى.
كۇندىز ماڭعىستاۋ وبلىسىندا، باتىس قازاقستان وبلىسىنىڭ وڭتۇستىك-باتىسىندا 37-40°س قاتتى ىستىق ساقتالادى.
اتىراۋ، ماڭعىستاۋ، جامبىل، قىزىلوردا وبلىستارىندا، وڭتۇستىگىندە، اقتوبە قالاسىنىڭ ورتالىعىندا، قوستانايدىڭ وڭتۇستىگىندە، قاراعاندى قالاسىنىڭ ورتالىعىندا، الماتىنىڭ سولتۇستىگىندە، شىعىسىندا، تۇركىستاننىڭ سولتۇستىگىندە، باتىسىندا، وڭتۇستىگىندە، ءشولدى اۋداندارىندا، باتىسىندا، وڭتۇستىك-شىعىسىندا، باتىس قازاقستان وبلىسىنىڭ ورتالىعىندا، اقمولا وبلىسىنىڭ باتىسىندا توتەنشە ءورت ءقاۋپى بار.
باتىس قازاقستان وبلىسىنىڭ باسىم بولىگىندە، سولتۇستىك قازاقستان وبلىسىنىڭ باتىسىندا، اباي وبلىسىنىڭ سولتۇستىك-باتىسىندا، جەتىسۋ وبلىسىنىڭ وڭتۇستىگىندە، باتىسىندا ءورت ءقاۋپى جوعارى