ۆيلنيۋستەگى ناتو ءسامميتى قارساڭىندا شۆەسيا مەن تۇركيا كوشباسشىلارى بريۋسسەلدە كەزدەسۋ وتكىزەدى.
بۇل تۋرالى اسكەري بلوكتىڭ باس حاتشىسى يەنس ستولتەنبەرگ مالىمدەدى، دەپ حابارلايدى Almaty-akshamy.kz.
كەلىسسوزدىڭ ماقساتى – شۆەسيانىڭ ناتو-عا كىرۋى ماسەلەسىن تالقىلاۋ، دەپ اتاپ ءوتتى سولتۇستىك اتلانتيكالىق اليانس باسشىسى. ەسكە سالايىق، تۇركيا مەن ۆەنگريا شۆەسيانىڭ ناتو-عا قوسىلۋىنا قولداۋ تانىتپاي وتىر، -دەپ جازدى 24.kz.
ال، فينليانديا اليانسقا 4 ساۋىردە رەسمي تۇردە قوسىلدى. يەنس ستولتەنبەرگ، ناتو باس حاتشىسى: - فينليانديا مەن شۆەسيانىڭ ناتو-عا كىرۋى بالتىق ەلدەرىنىڭ قاۋىپسىزدىگىن ودان ءارى نىعايتادى. ۆيلنيۋس ءسامميتىنىڭ الدىندا بريۋسسەلدە جوعارى دەڭگەيدەگى كەزدەسۋدى وتكىزەمىز. وعان سىرتقى ىستەر مينيسترلەرى، بارلاۋ باسشىلارى جانە ەكى ەلدىڭ ۇلتتىق قاۋىپسىزدىك جونىندەگى كەڭەسشىلەرى قاتىسادى.