انكاراداعى كونسۋلتاسيالار جابىق ەسىك جاعدايىندا ءوتتى
تۇركيا پرەزيدەنتىنىڭ باس كەڭەسشىسى يبراگيم كالىن انكارا، ستوكگولم جانە حەلسينكي اراسىنداعى شۆەسيا مەن فينليانديانىڭ ناتو-عا مۇشەلىگىنە قاتىستى كەلىسسوزدەردىڭ قورىتىندىلارى بويىنشا مالىمدەمە جاسادى، دەپ حابارلايدى Almaty-akshamy.kz Zakon.kz-كە سىلتەمە جاساپ.
سونداي-اق ول فينليانديا مەن شۆەسيانىڭ ناتو-عا كىرۋ پروسەسى تۇركيانىڭ تالاپتارى ورىندالمايىنشا ىسكە قوسىلمايتىنىن ايتتى، دەپ حابارلايدى ريا نوۆوستي.
شەنەۋنىكتىڭ ايتۋىنشا، اليانسقا مۇشەلىككە ۇمىتكەرلەر انكارانىڭ ۇستانىمىنا تۇسىنىستىكپەن قارادى. تۇركيا ولاردىڭ وكىلدەرىن ەلدە تىيىم سالىنعان كۇردىستان جۇمىسشى پارتياسى مەن ونىڭ قىزمەتى تۋرالى حاباردار ەتە وتىرىپ، ءوز ەلدەرىنەن تەرروريزمگە كۇدىكتىلەردى ەكستراديسيالاۋدى، سونداي-اق تۇرىك تەرريتورياسىنا قورعانىس ونەركاسىبى ونىمدەرى تاسىمالىنا بايلانىستى شەكتەۋلەردى الىپ تاستاۋدى تالاپ ەتتى.
انكاراداعى كونسۋلتاسيالار جابىق ەسىك جاعدايىندا ءوتتى جانە شامامەن ول بەس ساعاتقا سوزىلدى.
ايتا كەتسەك، بۇعان دەيىن تۇركيا پرەزيدەنتى رەجەپ تايىپ ەردوعان فينليانديا مەن شۆەسيا تۇركيادا تىيىم سالىنعان كۇردىستان جۇمىسشى پارتياسىنا قولداۋ كورسەتىپ جاتقانىن ايتقان بولاتىن. انكارا فينليانديا مەن شۆەسيادان تەرروريزمدى قولداۋدى دوعارۋ جونىندە جازباشا كەلىسىمگە وتىرۋدى تالاپ ەتتى.