شۆەيساريا بيلىگى 17 اقپاننان باستاپ كوروناۆيرۋس پاندەمياسىنا بايلانىستى بارلىق شەكتەۋلەردى الىپ تاستاۋ تۋرالى شەشىم قابىلدادى، دەپ حابارلايدى اlmaty-akshamy.kz Covid-19 تارالۋىنا جول بەرمەۋ جونىندەگى ۆەدومستۆوارالىق كوميسسياسىنىڭ Telegram كانالىنا سىلتەمە جاساپ.
«بەيسەنبىدەن باستاپ دۇكەندەرگە، مەيرامحانالارعا، مادەني مەكەمەلەرگە جانە ءىس-شارالارعا بەتپەردەسىز نەمەسە COVID سەرتيفيكاتىنسىز بارۋعا بولادى. سونداي-اق، جۇمىس ورنىندا ماسكالاردى مىندەتتى تۇردە كيۋ جانە ۇيدەن جۇمىس ىستەۋ تۋرالى ۇسىنىمدار الىنىپ تاستالدى»، - دەپ حابارلادى ۇكىمەت.
سونىمەن قاتار 17 اقپاننان باستاپ شۆەيسارياعا كەلەتىن ادامدارعا ۆاكسينالاۋ، اۋرۋ نەمەسە كوروناۆيرۋسقا تەرىس سىناق تۋرالى راستاۋ قۇجاتى قاجەت ەمەس.
سونىمەن بىرگە 31 ناۋرىزعا دەيىن قوعامدىق كولىكتەردە قورعانىس قۇرالدارىن پايدالانۋ جانە وڭ COVID-19 سىناعى بار ادامدار ءۇشىن بەس كۇندىك وقشاۋلاۋ تۋرالى تالاپ كۇشىنە ەنەتىنى اتاپ ءوتىلدى.