جاقسى شۇجىقتىڭ باعاسى 6-7 مىڭ تەڭگەدەن ارزان بولماۋى ءتيىس.
اگروساراپشى الماسبەك سادىربايەۆ ارزان شۇجىقتىڭ ورنىنا قازى جەۋگە شاقىردى، دەپ حابارلايدى Almaty-akshamy.kz
«جاقسى شۇجىق شامامەن 6-7 مىڭ تەڭگەدەن ارزان ەمەس. ەڭ تازا شۇجىق – قازاقتىڭ قازىسى. سويا بەلوگى وبىر اۋرۋىنا ىقپال ەتەدى. شۇجىقتى، سوسيسكانى بالالارعا بەرمەڭىزدەر. شۇجىق قانشا تۇرۋى كەرەك؟ ەتتىڭ كەلىسى 2 مىڭ تەڭگە. سودان سۇيەگىن الىپ تاستايدى. 50 پايىزى سۇيەگى. ءبىر كەلى تارتىلعان ەل شىعۋ ءۇشىن سەن 2 كەلى سۇيەك پەن ەتتى الۋىڭ كەرەك. سوندا قاراساڭ، تەك فارشتىڭ قۇنىنىڭ ءوزى 4 مىڭ تەڭگە. بۇعان ءارتۇرلى قوسپالارىن قوساسىڭ. سىرتىن قاپتاۋ، ونى ىستەيتىن ادامى، تەحنيكاسى، قۇرىلعىسى بار. سونىڭ ءبارىن ساناعاندا جاقسى شۇجىق 6-7 مىڭ تەڭگەدەن ارزان ەمەس. بۇگىنگى شۇجىقتاردىڭ بارىنە جاقسى ەت قولدانبايدى. ول جەردە ۆەتەرينارلى براكتى پايدالانادى»، – دەيدى الماسبەك سادىربايەۆ.