الماتىداعى ەكى جاڭا مەترو بەكەت وسىلاي اتالۋى مۇمكىن
الماتىدا اشىلاتىن ەكى جاڭا مەترو بەكەت «شۇعىلا» جانە «تولە بي» دەپ اتالۋى مۇمكىن. مۇنى قالالىق ءماسليحاتتىڭ VI سەسسياسىندا تىلدەردى دامىتۋ جانە ونوماستيكا ءبولىمىنىڭ باسشىسى باقىت قالىمبەت مالىمدەدى. ايتۋىنشا، مەترو بەكەتىنىڭ قۇرىلىسىنىڭ جوباسىنا تەحنيكالىق-ەكونوميكالىق ازىرلەۋ ءۇشىن جاڭا بەكەتتەرگە اتاۋ بەرۋ قاجەتتىلىگى تۋىنداپ وتىر.
«ناۋرىزباي اۋدانىنداعى شۇعىلا ش/ا. الاتاۋ داڭعىلىنىڭ بويىنداعى №1 بەكەت ونوماستيكالىق تاجىريبەگە سۇيەنە وتىرىپ، جولاۋشىلاردىڭ باعدار الۋىنا ىڭعايلى بولۋ ءۇشىن «شۇعىلا» دەپ اتاۋ ۇسىنىلىپ وتىر. ال الاتاۋ داڭعىلىمەن ۇزارتىلاتىن تولە بي كوشەسىنىڭ قيىلىسىندا بولاتىن №2 بەكەتكە «تولە بي» اتاۋىن بەرۋ ۇسىنىلىپ وتىر»، - دەدى ول.
قالىمبەتتىڭ ۋاجىنشە، بۇل ۇسىنىستى الماتى قالاسى ونوماستيكا كوميسسياسى قۇپتاعان. قالا باسشىلىعى تاراپىنان دا قولداۋ تاپقان. ەندى بۇل ۇسىنىس الماتى اكىمدىگى مەن ءماسليحاتىنىڭ بىرلەسكەن شەشىمىمەن ق ر ۇكىمەتىنىڭ جانىنداعى رەسپۋبليكالىق ونوماستيكا كوميسسياسىنا جولدانادى. ول كوميسسيا كەلىسىم بەرسە، الماتى اكىمدىگىنىڭ قاۋلىسىمەن شەشىم قابىلدانادى.