جامبىلدىق پوليسەيلەر شۋ اۋدانىندا 280 كەلىگە جۋىق ەسىرتكى زاتىن تاركىلەدى
جامبىلدىق پوليسەيلەر شۋ اۋدانى بەلباسار اۋىلىنىڭ ماڭىنداعى قۇمدى ايماقتا ورنالاسقان “سارعاۋ” ۋچاسكەسىندە اسا ءىرى مولشەردە ەسىرتكى زاتىن ساقتادى دەگەن كۇدىكپەن 42 جاستاعى جەرگىلىكتى تۇرعىندى ۇستادى، – دەپ حابارلايدى almaty-akshamy.kz.
ەسىرتكىنىڭ زاڭسىز اينالىمى ارناسىنىڭ جولىن كەسۋ بويىنشا ارنايى وپەراسيا وبلىستىڭ پوليسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرىمەن وتكىزىلدى. ءبىرقاتار ىزدەستىرۋ ءىس-شارالارى وتكىزىلىپ، ناتيجەسىندە كۇدىكتى ۇستالعان ۋچاسكەدەن جالپى سالماعى 237 كەلى 234 گرامم ەسىرتكى، قاراسورا بۇتالارى تابىلىپ، تاركىلەندى.
تۇرعىلىقتى جەرى بويىنشا سارايدان جالپى سالماعى 12 كەلى 640 گرامم كەپتىرىلگەن ماريحۋانا سالىنعان پوليپروپيلەن قاپشىق جانە جالپى سالماعى 24 كەلى 586 گرامم گاشيش ەسىرتكى زاتى تابىلدى.