ينجەنەرلىك جەلىلەردى مودەرنيزاسيالاۋ ءبىزدىڭ جۇمىسىمىزداعى نەگىزگى باسىمدىقتاردىڭ ءبىرى بولىپ قالا بەرەدى. بۇل تۋرالى قالا اكىمى ەربولات دوسايەۆ اۋدان تۇرعىندارىمەن كەزدەسۋدە مالىمدەدى، دەپ حابارلايدى almaty-akshamy.kz
وسى جىلدىڭ تامىز ايىندا «شۋاقتى» شاعىن اۋدانىندا 400 ءۇيدى قامتيتىن 10 شاقىرىم سۋمەن قامتۋ جانە 7،4 شاقىرىم سۋ بۇرۋ جەلىلەرىنىڭ قۇرىلىسى اياقتالدى. كەلەسى اپتادان باستاپ تۇرعىندار ماگيسترالدى جەلىگە قوسىلا باستايدى.
تبيليسسكايا كوشەسىندەگى 20 مىڭ ابونەنتكە قىزمەت كورسەتەتىن 400 مەتردەن استام كاناليزاسيالىق ەستاكادا رەكونسترۋكسيالاۋدان ءوتتى. ول بولاشاقتا حالىق سانىنىڭ ءوسۋىن ەسكەرە وتىرىپ جاسالعان.
جىل سوڭىنا دەيىن «ماياك»، «المەرەك»، «جاس قانات»، «نيجنيايا پياتيلەتكا» شاعىن اۋداندارىندا جانە زاكارپاتسكايا كوشەسىندە 6670 ابونەنت ءۇشىن 153،4 شاقىرىم سۋ قۇبىرى مەن 79،4 شاقىرىم كاناليزاسيا قۇرىلىسى اياقتالادى. سونىمەن قاتار، اسفالتتىڭ تومەنگى قاباتىن قالپىنا كەلتىرىلۋدە، 2024 جىلدىڭ 2ء-شى توقسانىندا بەتكى قاباتى توسەلەتىن بولادى.
2024 جىلدىڭ IIء-شى توقسانىندا «قايرات» شاعىن اۋدانىندا 40 شاقىرىم سۋ قۇبىرى جانە سۋ بۇرۋ جەلىلەرىن سالۋ جۇمىستارىنىڭ 2ء-شى كەزەگى باستالادى.
2 ۋچاسكە بويىنشا: اۋداننىڭ ورتالىق بولىگىندە جانە اۋەجاي كولى اۋدانىندا سۋمەن قامتۋ جانە كاناليزاسيا جەلىلەرىن جوبالاۋ جالعاسۋدا. قۇرىلىس-مونتاجداۋ جۇمىستارىنىڭ بولجامدى باستالۋ ۋاقىتى 2024 جىلدىڭ IIء-شى توقسانى دەپ بولجانىپ وتىر.