شقو قۇتقارۋشىلارى قار كوشكىنىندە قالعان اياز اتا مەن اقشاقارعا كومەكتەستى

ءوڭىر بويىنشا 497 جول ۋچاسكەسىندە كوشكىن ءجۇرۋ ءقاۋپى بار

شىعىس قازاقستان وبلىسىنىڭ قۇتقارۋشىلارى قار كوشكىنىنىڭ ءقاۋپىن ءتۇسىندىرۋ ماقساتىندا ەرەكشە شارا وتكىزدى، دەپ حابارلايدى Almaty-akshamy.kz.

شقو توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءوڭىر بويىنشا 497 جول ۋچاسكەسىندە كوشكىن ءجۇرۋ ءقاۋپى بار. ونىڭ ىشىندەگى 336-سى وبەكتىلەر مەن تۇرعىندارعا ءقاۋىپ توندىرەدى. جاڭا جىل قارساڭىندا توتەنشە جاعدايلاردىڭ الدىن الۋ ءۇشىن قۇتقارۋشىلار ەرەكشە شارا وتكىزدى.

«اڭىز بويىنشا اياز اتا مەن اقشاقار سىيلىقتارىن الىپ شاناعا ءمىنىپ، جولعا شىققان. ەلدى مەكەندەردەن الىستاعان ولار قۇتقارۋشىلاردىڭ كوشكىن ءقاۋپى تۋرالى ەسكەرتۋلەرىن ەسكەرمەي، تاۋعا قاراي كەتكەن. ءسويتىپ، كوشكىنگە تاپ بولدى. قۇتقارۋشىلار ولارعا كومەك كورسەتۋ ءۇشىن جەدەل كەلىپ جەتتى. لابرادور يتتەردىڭ كومەگىمەن قار قۇرساۋىندا قالعان ەرتەگى كەيىپكەرلەرى تابىلدى»، - دەلىنگەن اقپاراتتا.

اپاتتار مەديسيناسى ورتالىعىنىڭ دارىگەرلەرى اياز اتا مەن اقشاقاردى تەكسەرىپ، اۋرۋحاناعا جاتۋدىڭ قاجەتتىلىگى جوقتىعىن ايتتى. قۇتقارۋشىلار ولارعا ءتۇسىندىرۋ جۇمىستارىن جۇرگىزىپ، بارىنشا اباي بولۋ كەرەكتىگىن ەسكەرتتى.

ەستەرىڭىزگە سالا كەتسەك، وسىعان دەيىن شقو قۇتقارۋشىلارى ءزومبيدىڭ كەيپىنە ەنگەن بولاتىن.