دارىگەرلەر ۇلتتىق كيىممەن كەلىپ، توسىن سىي جاسادى
شقو-دا ناۋرىز قارساڭىندا جاڭا تۋعان سابيلەر پەرزەنتحانادان ۇلتتىق كيىممەن شىعارىلىپ جاتىر، دەپ حابارلايدى Almaty-akshamy.kz Altaynews سايتىنا سىلتەمە جاساپ.
مۇنداي شارانى اياگوز اۋدانارالىق اۋرۋحاناسى مەرەكەلىك كوڭىل-كۇي ءۇشىن ۇيىمداستىرعان.
پەرزەنتحانادان شىعاتىن العاشقى 10 نارەستەگە ۇلتتىق كيىم كيگىزىپ، ەرەكشە داستۇرمەن ۇيلەرىنە شىعارىپ سالىندى. بۇعان انالار دا قۋانىشتى.
«بۇل دۇنيە ەسىگىن اشۋ ءۇشىن تاماشا ۋاقىت. ناۋرىز – تابيعات جاڭارعاندا تويلاناتىن ۇلى مەيرام. دارىگەرلەر ۇلتتىق كيىممەن كەلىپ، بىزگە توسىن سىي جاسادى»، - دەيدى ءتورتىنشى رەت انا اتانىپ وتىرعان اقمارال زاكيريانوۆا.
اياگوز اۋدانارالىق اۋرۋحانانىڭ باس دارىگەرى شالقار وماروۆتىڭ ايتۋىنشا، ناۋرىز مەرەكەسى قارساڭىندا بالالاردى ۇلتتىق ناقىشتاعى كيىممەن شىعارۋ داستۇرگە اينالعان.
«جۋىقتا تۋىلعان نارەستەلەرمەن بىرگە ايدىڭ باسىندا دۇنيەگە كەلگەن ەگىز ءسابيدى شىعاردىق. ولاردىڭ سالماعى – 1200 جانە 1300 گرامم عانا. ءبىراق دەنساۋلىقتارى جاقسى. كۇتىمنىڭ ارقاسىندا نارەستەلەر سالماق جيناپ وتىر، ولارعا نەوناتولوگيالىق كومەك تولىق كورسەتىلدى. بۇل ءۇشىن ءبىزدىڭ اۋداندىق اۋرۋحانانىڭ بارلىق الەۋەتى بار»، - دەيدى باس دارىگەر.
ءدال وسىنداي ءداستۇر ايماقتىڭ تاعى ءبىر اۋداندىق اۋرۋحاناسىندا ەنگىزىلىپ وتىر. تارباعاتاۋ اۋداندىق №2 اۋرۋحاناسى دا ناۋرىز مەيرامى كەزىندە مەرەكەلىك كوڭىل-كۇي سىيلاۋعا بەل بۋعان ەكەن.