وقيعادان ەشكىم زارداپ شەكپەدى
8 ساۋىردە 10:35 مينۋتتا شىعىس قازاقستان وبلىسىنىڭ ءالتاي-قۇمىستاۋ تەمىرجول ۋچاسكەسىندە جۇك پويىزىنىڭ 5 ۆاگونى رەلستەن شىعىپ كەتتى. ۆاگوندار سەمەنت تاسىمالداعان. بۇل تۋرالى "قازاقستان تەمىر جولى" ۇك" اق باسپا ءسوز قىزمەتى مالىمدەدى، دەپ حابارلايدى Almaty-akshamy.kz.
«ءبىر ۆاگون "كۋزباسسترانسەمەنت" جشق (رەسەي فەدەراسياسى) مەنشىگى بولسا، قالعانى "كاسپيي سەمەنت" جشس-گە (قازاقستان رەسپۋبليكاسى) تيەسىلى. قۇرام 28 كم/ساع باياۋ جىلدامدىقپەن جۇرگەن»، - دەلىنگەن حابارلامادا.
وقيعادان ەشكىم زارداپ شەكپەدى. جولاۋشىلار جانە جۇك پويىزدارىنىڭ كىدىرىسى ورىن العان جوق. قازىرگى ۋاقىتتا قالپىنا كەلتىرۋ جۇمىستارى جۇرگىزىلۋدە. ۆاگونداردىڭ رەلستەن شىعۋ سەبەپتەرى انىقتالۋدا.