شورت-ترەكتەن الەم كۋبوگى كەزەڭىندە قازاقستان كۇمىس جۇلدەگەر اتاندى

قازاقستان ەرلەر قۇراماسى 5 مىڭ مەترگە ەستافەتالىق جارىستا كۇمىس جۇلدەگەر اتاندى

كانادانىڭ مونرەال قالاسىندا شورت-ترەكتەن وتكەن الەم كۋبوگى كەزەڭىندە قازاقستان ەرلەر قۇراماسى 5 مىڭ مەترگە ەستافەتالىق جارىستا كۇمىس جۇلدەگەر اتاندى، دەپ حابارلايدى Almaty-akshamy.kz قازاقپاراتقا سىلتەمە جاساپ.

قۇرامىندا ابزال اجىعالييەۆ، نۇرتىلەك قاجىعالي، ءادىل عالياحمەتوۆ، دەنيس نيكيشا بار قازاقستاندىقتار فينالدا يتاليا، كانادا جانە وڭتۇستىك كورەيا كوماندالارىمەن سىنعا ءتۇستى.
ەستافەتا قورىتىندىسىندا وڭتۇستىككورەيالىقتار چەمپيون اتانسا، قازاقستاندىقتار ەكىنشى، كانادالىقتار ءۇشىنشى ورىنعا يە بولدى. پەنالتي العان يتاليالىقتار جارىستان شەتتەتىلدى.
جەكەلەي سىندا ابزال اجىعالييەۆ 500 مەتر قاشىقتىقتا مەدال ءۇشىن تالاسۋعا مۇمكىندىك بەرەتىن ا فينالىنا وتە المادى. ول ۆ فينالىندا ەكىنشى ورىنعا يە بولدى. ال دەنيس نيكيشا جارتىلاي فينالدا پەنالتي الىپ، جارىس جولىنان شىعىپ قالدى.

ايەلدەر اراسىندا 3 مىڭ مەترلىك ەستافەتادا نيدەرلاند، كانادا جانە يتاليا قىزدارى ۇزدىك ۇشتىككە ىلىكتى.

قازاقستان ايەلدەر قۇراماسى الەم كۋبوگىنىڭ مونرەال كەزەڭىنە قاتىسقان جوق.
الەم كۋبوگىنىڭ كەلەسى كەزەڭى اقش-تىڭ سولت-لەيك-سيتي قالاسىندا وتەدى. سونداي-اق جەلتوقسان ايىندا الماتى قالاسىنا دا كەزەك تيەدى.

ەسكە سالا كەتەيىك، بۇدان بۇرىن شورت-ترەكتەن ق ر قۇراماسى الەم كۋبوگى كەزەڭىنىڭ فينالىنا وتكەنىن جازعان بولاتىنبىز.